പട്ടികവര്ഗ വിദ്യാര്ത്ഥികള്ക്ക് സൗജന്യ സംരംഭകത്വ പരിശീലനം
കൊച്ചി: കേന്ദ്രത്തിന്റെ സാമ്പത്തിക സഹായത്തോടെ കേരളത്തിലെ പട്ടികജാതി വിദ്യാര്ത്ഥികള്ക്ക് ഡിജിറ്റല് തെര്മോമീറ്റര് നിര്മാണത്തിലും പട്ടികവര്ഗ വിദ്യാര്ത്ഥികള്ക്ക് എല് ഇ ഡി ബള്ബ്, സോളാര് ലാന്റേണ് എന്നിവയുടെ നിര്മാണത്തിലും 15 ദിവസത്തെ സൗജന്യ പരിശീലനം നല്കുന്ന പദ്ധതിയിലേക്ക് അപേക്ഷക്ഷണിച്ചു. സംരംഭകത്വ പരിശീലനം നല്കി തൊഴില് ദാതാക്കളായി മാറ്റുകയാണ് ലക്ഷ്യം.
തൃശ്ശൂര് സീമെറ്റും (സെന്റര് ഫോര് മെറ്റീരിയല്സ് ഫോര് ഇലക്ട്രോണിക്സ് ടെക്നോളജി) സംസ്ഥാന പട്ടികജാതി, പട്ടികവര്ഗ വികസന ഡയറക്ടറേറ്റും ഐ .എച്.ആര് .ഡി എറണാകുളം റീജിയണല് സെന്ററും സഹകരിച്ചുള്ള പദ്ധതിയാണിത്.
ടി .എച്ച്് .എസ് .എല് .സി / വി .എച് .എസ് .ഇ / പ്ലസ്ടു സയന്സ് എന്നിവയില് കുറയാത്ത യോഗ്യത ഐ.എച്ച്് .ആര് .ഡിയുടെ കീഴിലുള്ള വിവിധ സ്ഥാപനങ്ങള് കേന്ദ്രീകരിച്ചാവും പരിശീലനം നടത്തപ്പെടുന്നത്. അപേക്ഷകള്ക്കും കൂടുതല് വിവരങ്ങള്ക്കും: http://www.ihrdmfsekm.kerala.gov.in.
- Log in to post comments