അപേക്ഷ ക്ഷണിച്ചു

കേരള സംസ്ഥാന കളിമണ്‍പാത്ര നിര്‍മ്മാണ വിപണന ക്ഷേമ വികസന  കോര്‍പ്പറേഷന്‍ കളിമണ്‍ ഉല്പന്ന നിര്‍മ്മാണവും വിപണനവും കുലത്തൊഴിലായി  സ്ഥീകരിച്ചിട്ടുള്ള സമുദായത്തില്‍  ഉള്‍പ്പെട്ട വ്യക്തികള്‍ക്ക് കളിമണ്‍പാത്ര നിര്‍മ്മാണ-വിപണന ആവശ്യങ്ങള്‍ക്കായി പ്രവര്‍ത്തന മൂലധന വായ്പാ പദ്ധതി  നടപ്പിലാക്കുന്നു. വായ്പ തുക പരമാവധി 2 ലക്ഷം രൂപ. അപേക്ഷകര്‍ പരമ്പരാഗത  കളിമണ്‍ ഉല്പന്ന നിര്‍മ്മാണ മേഖലയില്‍  തൊഴി  ചെയ്യുന്നവരോ അവരുടെ  ആശ്രിതരോ ആയിരിക്കണം. പലിശ നിരക്ക് 6 ശതമാനം. തിരിച്ചടവ് കാലാവധി 60 മാസം.  ജാമ്യവ്യവസ്ഥകള്‍ ബാധകമാണ്. അപേക്ഷകരുടെ പ്രായപരിധി 18 നും 55 നും  മദ്ധ്യേ. കുടുംബ വാര്‍ഷിക വരുമാനം 3 ലക്ഷം രൂപയില്‍ കവിയരുത്.  കൂടുതല്‍ വിവരങ്ങള്‍ www.keralapottery.org ല്‍ ലഭിക്കും. അപേക്ഷ രേഖകള്‍ സഹിതം മാനേജിംഗ് ഡയറക്ടര്‍, കേരള സംസ്ഥാന കളിമണ്‍പാത്ര നിര്‍മ്മാണ വിപണന  ക്ഷേമ വികസന കോര്‍പ്പറേഷന്‍, അയ്യങ്കാളി ഭവന്‍, രണ്ടാം നില, കനക നഗര്‍,  കവടിയാര്‍ പി.ഒ., തിരുവനന്തപുരം-695003 എന്ന വിലാസത്തില്‍  തപാല്‍   മുഖേനയോ, നേരിട്ടോ നല്‍കണം. അവസാന തീയതി മാര്‍ച്ച് 5.