അവശ്യ മേഖലകളിലെ ജീവനക്കാര്ക്കു പോസ്റ്റല് വോട്ട് ചെയ്യാം
നിയമസഭാ തിരഞ്ഞെടുപ്പില് നേരിട്ട് വോട്ട് ചെയ്യാന് അവസരം ലഭിക്കാത്ത അവശ്യവകുപ്പുകളിലെ ജീവനക്കാര്ക്ക് പോസ്റ്റല് വോട്ട് ചെയ്യാന് അവസരം. ആരോഗ്യവകുപ്പ്, പോലീസ്, ഫയര്ഫോഴ്സ്, ജയില്, എക്സൈസ്, മില്മ, വൈദ്യുതി ബോര്ഡ്, വാട്ടര് അതോറിട്ടി, കെ എസ് ആര് ടിസി, ട്രഷറി, വനംവകുപ്പ്, കേന്ദ്രസര്ക്കാര് സ്ഥാപനങ്ങള്( ആകാശവാണി, ദൂരദര്ശന്, ബി എസ് എന് എല്, റെയില്വേ, തപാല്, വ്യോമയാനം), ആംബുലന്സ്, തിരഞ്ഞെടുപ്പു കമ്മിഷന് ചുമതലപ്പെടുത്തിയിട്ടുള്ള മാധ്യമ പ്രവര്ത്തകര്, വ്യോമയാനം, കപ്പല് ഗതാഗതം എന്നിവയാണ് അവശ്യസര്വീസുകള്. പോസ്റ്റല് ബാലറ്റിനായുള്ള 12 ഡി അപേക്ഷകള് തിരഞ്ഞെടുപ്പ് വിജ്ഞാപന തീയതി മുതല് അഞ്ചുദിവസം ബന്ധപ്പെട്ട റിട്ടേണിംഗ് ഓഫീസര്ക്കു സമര്പ്പിക്കണം. ജില്ലാ വരണാധികാരിയുടെ വെബ്സൈറ്റില് നിന്ന് ഇതിനായുള്ള അപേക്ഷാഫോറം ലഭിക്കും. കൂടാതെ ബന്ധപ്പെട്ട സ്ഥാപനത്തിന്റെ നോഡല് ഓഫീസറില് നിന്നും ഫോറം ലഭിക്കും.
- Log in to post comments