സംരംഭകര്‍ക്ക് ഏകദിന പരിശീലനം നല്‍കി
റാന്നി മേഖലാ മൃഗസംരക്ഷണ കേന്ദ്രത്തിന്റെ ആഭിമുഖ്യത്തില്‍ മൃഗസംരക്ഷണ മേഖലയിലെ തെരഞ്ഞെടുക്കപ്പെട്ട സംരംഭകര്‍ക്കുള്ള ഏകദിന പരിശീലനപരിപാടി റാന്നി മേഖലാ മൃഗസംരക്ഷണ കേന്ദ്രത്തില്‍ അഡ്വ. പ്രമോദ് നാരായണ്‍ എംഎല്‍എ ഉദ്ഘാടനം ചെയ്തു. റാന്നി ബ്ലോക്ക് പഞ്ചായത്ത് പ്രസിഡന്റ് കെ.എസ്. ഗോപി അധ്യക്ഷത വഹിച്ചു.
ജില്ലാ പഞ്ചായത്ത് റാന്നി ഡിവഷന്‍ അംഗം ജോര്‍ജ് എബ്രഹാം മുഖ്യ പ്രഭാഷണം നടത്തി. ഗ്രാമ പഞ്ചായത്ത് മെമ്പര്‍ കെ. ആര്‍. പ്രകാശ്, റാന്നി മേഖലാ മൃഗസംരക്ഷണ കേന്ദ്രം അസിസ്റ്റന്റ് പ്രോജക്ട് ഓഫീസര്‍ ഡോ. എബി കെ. അബ്രഹാം, പത്തനംതിട്ട ജില്ലാ മൃഗസംരക്ഷണ ഓഫീസര്‍ ഡോ. കെ. അജിലാസ്റ്റ്, ഡെപ്യൂട്ടി ഡയറക്ടര്‍ ഡോ. കെ. ജോതിഷ് ബാബു, വെറ്ററിനറി സര്‍ജന്‍ ഡോ. ജിഷ എം.നായര്‍ എന്നിവര്‍ പ്രസംഗിച്ചു.
ആട് വളര്‍ത്തല്‍ ശാസ്ത്രീയ രീതിയില്‍, വരുമാന വര്‍ധനവ് മൂല്യവര്‍ധനവിലൂടെ എന്ന വിഷയത്തില്‍ വെറ്ററിനറി സര്‍ജന്‍ ഡോ. എം.എസ്. സുബിന്‍, മൃഗസംരക്ഷണ മേഖലയിലെ ബാങ്ക് വായ്പകളും നബാര്‍ഡ് പദ്ധതികളും എന്ന വിഷയത്തില്‍ മുന്‍. ലീഡ് ബാങ്ക് മാനേജര്‍ വി. വിജയകുമാരന്‍, മലിനീകരണ നിയന്ത്രണ ബോര്‍ഡിന്റെ ലൈവ്‌സ്റ്റോക്ക് ഫാമുകള്‍ക്കുള്ള അനുമതിയും മാലിന്യ സംസ്‌കരണവും എന്ന വിഷയത്തില്‍ കേരള സംസ്ഥാന മലിനീകരണ നിയന്ത്രണ ബോര്‍ഡ് അസിസ്റ്റന്റ് എന്‍ജിനിയര്‍ എം. ആതിര എന്നിവര്‍ ക്ലാസ് എടുത്തു.
- Log in to post comments