മിനിമം വേതന ഉപദേശക സമിതി സബ്കമ്മിറ്റി യോഗം

    സംസ്ഥാനത്തെ ബ്ലോക്ക് റബര്‍ ഫാക്ടറി, മാര്‍ബിള്‍ ആന്റ് ഗ്രാനൈറ്റ് വ്യവസായം പട്രോള്‍ പമ്പ്  എന്നീ  മേഖലകളിലെ തൊഴിലാളികളുടെ കുറഞ്ഞ വേതനം പുതുക്കി നിശ്ചയിക്കുതിനുള്ള മിനിമം വേതന ഉപദേശക സമിതി സബ്കമ്മിറ്റി ജൂലൈ മൂന്ന്, നാല്  തിയതികളില്‍  എറണാകുളം  ഗസ്റ്റ് ഹൗസ് കോണ്‍ഫറന്‍സ് ഹാളില്‍ യോഗം ചേരും. ബ്ലോക്ക് റബര്‍ ഫാക്ടറീസ്, മാര്‍ബിള്‍ ആന്റ് ഗ്രാനൈറ്റ് വ്യവസായ മേഖലകളിലെ തെളിവെടുപ്പ് ജൂലൈ 3ന് യഥാക്രമം രാവിലെ 10.30 നും ഉച്ചക്ക് 12 നും നടത്തും.  പെട്രോള്‍ പമ്പ്  മേഖലയിലേത് ജൂലൈ നാലിന് രാവിലെ 10.30ന് നടക്കും.  ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂര്‍ ജില്ലകളിലെ ബ്ലോക്ക് റബര്‍ ഫാക്ടറികള്‍, മാര്‍ബിള്‍ ആന്റ് ഗ്രാനൈറ്റ് ഇന്‍ഡസ്ട്രികള്‍, പെട്രോള്‍ പമ്പ് മേഖലയുമായി ബന്ധപ്പെട്ട് പ്രവര്‍ത്തിക്കുന്ന തൊഴിലാളി-തൊഴിലുടമാ പ്രതിനിധികള്‍ യോഗങ്ങളില്‍ പങ്കെടുക്കണമെന്ന് സമിതി സെക്രട്ടറി അറിയിച്ചു.
പി.എന്‍.എക്‌സ്.2626/18