സ്വാഗതസംഘം രൂപീകരിച്ചു

ജില്ലാ ശിശുക്ഷേമ സമിതിയുടെ ആഭിമുഖ്യത്തില്‍ നടത്തപ്പെടുന്ന ദേശീയ ബാലചിത്രരചന മത്സരത്തിന്റെ സ്വാഗതസംഘ രൂപീകരണയോഗം കോഴഞ്ചേരി സെന്റ് തോമസ് ഹയര്‍ സെക്കന്‍ഡറി സ്‌കൂളില്‍ നടത്തി. ജില്ലാ ശിശുക്ഷേമ സമിതി വൈസ്പ്രസിഡന്റ് പ്രൊഫ. കെ. മോഹനകുമാര്‍ അധ്യക്ഷത വഹിച്ചു. ജില്ലാ സെക്രട്ടറി ജി. പൊന്നമ്മ, ജില്ലാ ശിശുക്ഷേമസമിതി അംഗങ്ങളായ ബാബു കോയിക്കലേത്ത്, കെ. കൃഷ്ണക്കുറുപ്പ്,  ട്രഷറര്‍ ആര്‍. ഭാസ്‌കരന്‍നായര്‍, എഇഒ കോഴഞ്ചേരി പി.ഐ. അനിത,  ഹെഡ്മിസ്ട്രസ് ആശാ തോമസ്, സമിതി ജോയിന്റ് സെക്രട്ടറി എം.എസ്. ജോണ്‍ എന്നിവര്‍ പങ്കെടുത്തു.
രക്ഷാധികാരികള്‍: റവ. തോമസ് മാത്യു(സ്‌കൂള്‍മാനേജര്‍), ബാബു കോയിക്കലേത്ത്(സംസ്ഥാന സമിതി അംഗം). ചെയര്‍മാന്‍: സാറ ബിന്ദു മാത്യൂസ്(ജില്ലാ പഞ്ചായത്ത് വിദ്യാഭ്യാസ സ്ഥിരം സമിതി അധ്യക്ഷ). വൈസ് ചെയര്‍മാന്‍മാര്‍: പ്രൊഫ.കെ. മോഹനകുമാര്‍(സമിതി വൈസ് പ്രസിഡന്റ്), ജിജി വര്‍ഗീസ്(കോഴഞ്ചേരി പഞ്ചായത്ത് പ്രസിഡന്റ്), കണ്‍വീനര്‍: പി.ഐ. അനിത(എഇഒ കോഴഞ്ചേരി), ജോയിന്റ് കണ്‍വീനര്‍: ആശ തോമസ് (ഹെഡ്മിസ്ട്രസ്), കോ-ഓര്‍ഡിനേറ്റര്‍: കെ. കൃഷ്ണക്കുറുപ്പ്(ജില്ലാ സമിതി അംഗം).