ഭക്ഷ്യസുരക്ഷാ ദിനാചരണം: പോസ്റ്റര്‍ ഡിസൈനിംഗ് മത്സരം

ലോക ഭക്ഷ്യസുരക്ഷാ ദിനാചരണത്തോട് അനുബന്ധിച്ച് ഹൈസ്‌കൂള്‍ കുട്ടികള്‍ക്ക് പോസ്റ്റര്‍ ഡിസൈനിംഗ് മത്സരം സംഘടിപ്പിക്കും. ജൂണ്‍ 24ന് രാവിലെ 10 മുതല്‍ ഒന്ന് വരെ അടൂര്‍ റവന്യൂ ടവര്‍ കോണ്‍ഫറന്‍സ് ഹാളിലാണ് മത്സരം. ഒരു സ്‌കൂളില്‍ നിന്നും ഒരു വിദ്യാര്‍ഥിക്ക് മത്സരത്തില്‍ പങ്കെടുക്കാം. ആദ്യ മൂന്ന് സ്ഥാനങ്ങളിലെത്തുന്ന വിജയികള്‍ക്ക് യഥാക്രമം 2500, 2000, 1500 എന്നിങ്ങനെ ക്യാഷ് അവാര്‍ഡും നല്‍കും. 

പങ്കെടുക്കുന്ന വിദ്യാര്‍ഥി പേര്, ഫോണ്‍ നമ്പര്‍, വിദ്യാഭ്യാസ സ്ഥാപനത്തിന്റെ പേര് എന്നിവ ജൂണ്‍ 20ന് മുന്‍പായി foodsafetyptaadoor@gmail.com എന്ന ഇമെയില്‍ വിലാസത്തില്‍ അയയ്ക്കണമെന്ന് ജില്ലാ ഭക്ഷ്യ സുരക്ഷാ ഓഫീസര്‍ അറിയിച്ചു. ഫോണ്‍ : 8943346183, 04734-221236.