കല്‍പവര്‍ദ്ധിനി ഐസിഎആര്‍ കൃഷി വിജ്ഞാന കേന്ദ്രത്തില്‍ ലഭ്യമാണ്
തെങ്ങിന്റെ ശരിയായ വളര്‍ച്ചയ്ക്കും വേഗത്തില്‍ പൂവിട്ട് കായ്ഫലം നല്‍കുന്നതിനും നല്ല ഉല്‍പാദനം ലഭിക്കുന്നതിനും കേന്ദ്ര തോട്ടവിള ഗവേഷണ കേന്ദ്രം വികസിപ്പിച്ചെടുത്ത വളകൂട്ടായ കല്‍പവര്‍ദ്ധിനി നിര്‍മാണത്തി നുള്ള സാങ്കേതിക വിദ്യ, ഗവേഷണ സ്ഥാപനം പത്തനംതിട്ട ജില്ലാ ഐസിഎആര്‍ കൃഷി വിജ്ഞാന കേന്ദ്രത്തിനു കൈമാറി.
തെങ്ങിന്റെ വളര്‍ച്ച ത്വരിതപ്പെടുത്തുവാന്‍ ഈ മിശ്രിതം 250 ഗ്രാം വീതം രണ്ട് തവണകളായി, മെയ്- ജൂണ്‍ മാസങ്ങളിലും സെപ്റ്റംബര്‍ -ഒക്ടോബര്‍ മാസങ്ങളിലുമാണ് നല്‍കേണ്ടത്. നനസൗകര്യമുള്ള പ്രദേശങ്ങളില്‍ 125 ഗ്രാം വീതം മൂന്ന് മാസം ഇടവിട്ട് നല്‍കുന്നത് വളത്തിന്റെ കാര്യക്ഷമത വര്‍ദ്ധിപ്പിക്കാന്‍ ഉത്തമമാണ്. പത്തനംതിട്ട ജില്ലാ ഐസിഎആര്‍ കൃഷി വിജ്ഞാന കേന്ദ്രം കല്‍പവര്‍ദ്ധിനി വളക്കൂട്ട് ഉല്‍പാദിപ്പിക്കുകയും കര്‍ഷകര്‍ക്കായി ലഭ്യമാക്കുകയും ചെയ്യുന്നുണ്ട്. ഫോണ്‍ : 0469-2662094/2661821
- Log in to post comments