Post Category
ഭക്ഷ്യസുരക്ഷ വകുപ്പ് പരിശോധന നടത്തി
പത്തനംതിട്ട, കോഴഞ്ചേരി, ആറന്മുള എന്നിവിടങ്ങളില്‍ പ്രവര്‍ത്തിക്കുന്ന ഭക്ഷ്യവില്‍പന കേന്ദ്രങ്ങളില്‍ ഭക്ഷ്യ സുരക്ഷ വകുപ്പും ഫിഷറീസ് വകുപ്പും സംയുക്തമായി പരിശോധന നടത്തി. മത്സ്യ വില്‍പന കേന്ദ്രങ്ങളില്‍ നടത്തിയ പരിശോധനയില്‍ പഴക്കം ചെന്ന 36 കിലോ മത്സ്യം കണ്ടെത്തി. ഹോട്ടലുകള്‍, തട്ടുകടകള്‍, മത്സ്യ വില്‍പന കേന്ദ്രങ്ങള്‍ എന്നിവിടങ്ങളില്‍ നടത്തിയ പരിശോധനയുടെ ഭാഗമായി ആറ് സ്ഥാപനങ്ങള്‍ക്ക് നോട്ടീസ് നല്‍കുകയും പിഴ ചുമത്തുകയും ചെയ്തു. ഭക്ഷ്യസുരക്ഷ വകുപ്പിന്റെ നേതൃത്വത്തില്‍ കോഴഞ്ചേരി ഗവ.യുപി സ്‌കൂളില്‍ സൗജന്യ കുടിവെളള പരിശോധന ക്യാമ്പും ബോധവല്‍ക്കരണ പരിപാടിയും സംഘടിപ്പിച്ചു.
date
- Log in to post comments