സായുധസേന പതാക ദിനം : ഫ്ലാഗുകൾ വിതരണം ചെയ്യും 

ഈ വർഷത്തെ സായുധസേന പതാകദിനത്തോടനുബന്ധിച്ച് ജില്ലയില്‍ എട്ടുലക്ഷത്തി ഇരുപതിനായിരം രൂപയുടെ ഫ്ലാഗുകൾ വിതരണം ചെയ്യും. ജില്ലാ സായുധസേന പതാകദിന ഫണ്ട് കമ്മറ്റിയുടേയും ജില്ലാ സൈനിക ക്ഷേമബോര്‍ഡിന്റേയും സംയുക്തയോഗത്തിലാണ് തിരുമാനം.

ജില്ലയിലെ വിവിധ സര്‍ക്കാര്‍ സ്ഥാപനങ്ങളില്‍നിന്നും വിദ്യാഭ്യാസ സ്ഥാപനങ്ങളില്‍നിന്നും സായുധസേന പതാകദിന ഫണ്ട് സമാഹരിക്കുന്നതിനും തീരുമാനമായി. യോഗത്തില്‍ ജില്ലാ കളക്ടര്‍ വി. വിഗ്‌നേശ്വരി അധ്യക്ഷത വഹിച്ചു. സായുധസേന പതാകദിനത്തിന്റെ മുന്നൊരുക്കങ്ങള്‍, വിരമിച്ച സൈനികര്‍ക്കുള്ള ക്ഷേമപ്രവര്‍ത്തനങ്ങള്‍ എന്നിവയും യോഗം ചര്‍ച്ച ചെയ്തു. ജില്ലാ സൈനിക ക്ഷേമ ഓഫീസര്‍ ബിജു സി. ഒ., ജില്ലാ സൈനിക ബോര്‍ഡ് വൈസ് പ്രസിഡന്റ് സിജു ജോസഫ്, മറ്റു ബോര്‍ഡ് അംഗങ്ങള്‍, വിവിധ വകുപൂക്കളിലെ ജില്ലാതല ഉദ്യോഗസ്ഥര്‍ എന്നിവര്‍ പങ്കെടുത്തു.