വന്യജീവി ഫോട്ടോ പ്രദര്‍ശനം 13 ന്
കേരള വനം വന്യജീവി വകുപ്പ് എറണാകുളം സാമൂഹിക വനവത്കരണ വിഭാഗത്തിന്റെ ആഭിമുഖ്യത്തില്‍ ത്രസം 2024 എന്ന പേരില്‍ വന്യജീവി ഫോട്ടോ പ്രദര്‍ശനം ദര്‍ബാര്‍ ഹാളില്‍ നവംബര്‍ 13 ന് വൈകിട്ട് അഞ്ചിന് ടിജെ വിനോദ് എംഎല്‍എ ഉദ്ഘാടനം ചെയ്യും. വനത്തിന്റെ പാരിസ്ഥിതിക പ്രാധാന്യം, സംരക്ഷണം, വന്യജീവി പരിപാലനം എന്നിവ പൊതുസമൂഹത്തിലേക്ക് എത്തിക്കുന്നതിന്റെ ഭാഗമായാണ് ചിത്ര പ്രദര്‍ശനം. കേരളത്തിലെ തിരഞ്ഞെടുക്കപ്പെട്ട ഫോട്ടോഗ്രാഫര്‍മാര്‍ കേരളത്തിനകത്തും പുറത്തുമുള്ള വന്യജീവി സങ്കേതങ്ങളില്‍ നിന്നും പകര്‍ത്തിയ ചിത്രങ്ങളാണ് പ്രദര്‍ശനത്തിനായി ഒരുക്കിയിട്ടുള്ളത്. സംസ്ഥാന ചീഫ് വൈല്‍ഡ് ലൈഫ് വാര്‍ഡന്‍ പ്രമോദ് ജി. കൃഷ്ണന്‍ മുഖ്യസന്ദേശം നല്‍കും. സാമൂഹിക വനവത്കരണ വിഭാഗം മധ്യമേഖല കണ്‍സര്‍വേറ്റര്‍ ഇന്ദു വിജയന്‍, സോഷ്യല്‍ ഫോറസ്ട്രി ഡെപ്യൂട്ടി ഫോറസ്റ്റ് കണ്‍സര്‍വേറ്റര്‍ ഫെന്‍ ആന്റണി എന്നിവര്‍ നേതൃത്വം നല്‍കും.
- Log in to post comments