ജില്ലാ യുവ ഉത്സവ് നവംബർ 22 ന്

മൈ ഭാരത്, നെഹ്റു യുവ കേന്ദ്ര കണ്ണൂർ എന്നിവ തോട്ടട എസ് എൻ കോളേജിന്റെ സഹകരണത്തോടെ സംഘടിപ്പിക്കുന്ന 'യുവ ഉത്സവ്' ജില്ലാതല പരിപാടി നവംബർ 22ന് തോട്ടട എസ്.എൻ കോളേജിൽ നടത്തുന്നു. 15നും 29നുമിടയിൽ പ്രായമുള്ള കണ്ണൂർ ജില്ലക്കാരായ യുവതി യുവാക്കൾക്ക് മത്സരങ്ങളിൽ പങ്കെടുക്കാം. പ്രസംഗം മത്സരം, കവിതാ രചന(മലയാളം), പെയിന്റിങ്(വാട്ടർ കളർ), മൊബൈൽ ഫോട്ടോഗ്രാഫി, നാടോടിനൃത്തം (ഗ്രൂപ്പ്), സയൻസ് മേള (വ്യക്തിഗതം, ഗ്രൂപ്പ്) എന്നിവയാണ് മത്സരയിനങ്ങൾ. ഒരാൾക്ക് ഒരു മത്സരത്തിൽ പങ്കെടുക്കാം. താല്പര്യമുള്ളവർ http://forms.gle/Qsuqqm7Tejh8P7zf8 ലിങ്കിൽ അപേക്ഷാ ഫോറം പൂരിപ്പിക്കണം.