ശ്രീരാമൻ ചിറയിൽ തണ്ണിമത്തൻ കൃഷിയുടെ വിളവെടുപ്പ് ഉത്സവം നടന്നു

വി.കെ. മോഹനൻ കാർഷിക സംസ്കൃതിയുടെ ആഭിമുഖ്യത്തിൽ താന്ന്യം, അന്തിക്കാട് പഞ്ചായത്തുകളിൽ ഉൾപ്പെടുന്ന ശ്രീരാമൻ ചിറ പാടശേഖരത്തിലെ  തണ്ണിമത്തൻ കൃഷിയുടെ വിളവെടുപ്പ് നടന്നു. വിജ്ഞാന കേരളം മുഖ്യ ഉപദേഷ്ടാവും മുൻ ധനകാര്യമന്ത്രിയുമായ ഡോ. ടി.എം തോമസ് ഐസക്‌ ഉദ്ഘാടനം നിർവഹിച്ചു. ഫുട്ബോൾ താരം ഐ.എം വിജയനും ചലച്ചിത്ര സംവിധായകൻ സത്യൻ അന്തിക്കാടിനും തണ്ണിമത്തൻ്റെ ആദ്യ വിൽപന നടത്തി.

കാർഷിക ഭൂമിയും ഉത്പാദനവും വിപണനവും കർഷക നിയന്ത്രണത്തിൽ കൊണ്ടുവരികയും ശുദ്ധമായ കാർഷിക ഉത്പന്നങ്ങൾ ജനങ്ങളിലേക്ക് എത്തിക്കുകയുമാണ് സംസ്കൃതിയുടെ ലക്ഷ്യം. പദ്മശ്രീ ജേതാവായ ഐ.എം വിജയനേയും കർഷകരെയും കർഷക തൊഴിലാളികളേയും ചടങ്ങിൽ ആദരിച്ചു.

വി.കെ. മോഹനൻ കാർഷിക സംസ്‌കൃതി കൺവീനർ അഡ്വ. വി.എസ്. സുനിൽകുമാർ ചടങ്ങിന് അദ്ധ്യക്ഷത വഹിച്ചു. സി.സി മുകുന്ദൻ എം എൽ എ, ജില്ലാ പഞ്ചായത്ത് പ്രസിഡൻ്റ് വി.എസ് പ്രിൻസ്, ജില്ലാ പഞ്ചായത്ത് മെമ്പർ ഷീന പറയങ്ങാട്ടിൽ, അന്തിക്കാട് പഞ്ചായത്ത് പ്രസിഡൻ്റ് ജീന നന്ദൻ,
ബ്ലോക്ക് മെമ്പർ ടി.ബി. മായ, വാർഡ് മെമ്പർമാരായ കെ.ബി സദാശിവൻ, ശാന്ത സോളമൻ, ഗാനരചയിതാവ് ഏങ്ങണ്ടിയൂർ ചന്ദ്രശേഖരൻ, എലൈറ്റ് ഗ്രൂപ്പ് എം.ഡി ടി.ആർ. വിജയകുമാർ, അഡ്വ. എ.യു. രഘുരാമൻ പണിക്കർ, ഷീല വിജയകുമാർ, കെ. പി. സന്ദീപ്, ലുലുഗ്രൂപ്പ് പർച്ചേയ്‌സ് മാനേജർ വി.എസ് ടിവിൻ, ഫാ. ജോസഫ് മുരിങ്ങാത്തേരി, എ.എസ്. ദിനകരൻ, സി.ആർ മുരളീധരൻ, കേരള കാർഷിക സർവ്വകലാശാല റിട്ട. പ്രൊഫ. ഇന്ദിരദേവി, കേരള കാർഷിക സർവ്വകലാശാലാ ഭൗമസൂചിക മേധാവി ഡോ. എൽസി, മണ്ണുത്തി കാർഷിക സർവ്വകലാശാല എ.ആർ.എസ് മേധാവി ലത, വി.കെ. മോഹനൻ തുടങ്ങിയവർ പങ്കെടുത്തു. കാർഷിക സംസ്‌കൃതി കൺവീനർ കെ.കെ രാജേന്ദ്രബാബു സ്വാഗതവും എം. വി. സുരേഷ് നന്ദിയും പറഞ്ഞു.