ഐഎസ്ഒ ആഘോഷ പരിപാടിയും അവാർഡ് വിതരണവും നാളെ

ജനകീയ പ്രവർത്തനങ്ങളിലൂടെയും സുതാര്യമായ ഭരണ നിർവഹണത്തിലൂടെയും ജീവനക്കാർക്കും പൊതുജനങ്ങൾക്കും നൽകിയ വിവിധ സേവനങ്ങളുടെ ഗുണമേന്മയ്ക്ക് ഐഎസ്ഒ സർട്ടിഫിക്കറ്റ് ലഭിച്ചതിന്റെ ആഘോഷവും 2024-25 വർഷത്തിലെ താലൂക്ക് തലത്തിലെ മികച്ച റവന്യൂ ഉദ്യോഗസ്ഥർക്കുള്ള അവാർഡ് ദാനവും നാളെ (ഏപ്രിൽ അഞ്ച്) ഏറനാട് താലൂക്ക് ഓഫീസിൽ നടക്കും. ജില്ലാ കളക്ടർ വി.ആർ വിനോദ് ഉദ്ഘാടനം ചെയ്യുന്ന പരിപാടിയിൽ പെരിന്തൽമണ്ണ സബ് കളക്ടർ അപൂർവ തൃപാദി അധ്യക്ഷത വഹിക്കും. തഹസിൽദാർ, മുനിസിപ്പൽ ചെയർപേഴ്‌സൺ, വിവിധ രാഷ്ട്രീയ പാർട്ടി പ്രതിനിധികൾ തുടങ്ങിയവർ പങ്കെടുക്കും.