'റോഷ്നി': വെബ്സൈറ്റ് ഉദ്ഘാടനം ഇന്ന് (നവംബര് 10)
കാക്കനാട് : 'റോഷ്നി' പദ്ധതിയുടെ വെബ്സൈറ്റ് ഉദ്ഘാടനവും മലയാളഭാഷാ പരിജ്ഞാനരേഖ 'സമീക്ഷ'യുടെ പ്രകാശനവും ഇന്ന് (നവംബര് 10) വൈകീട്ട് മൂന്നു മണിയ്ക്ക് എറണാകുളം ഫൈന് ആര്ട്സ് ഹാളില് മുഖ്യമന്ത്രി പിണറായി വിജയന് നിര്വിവഹിക്കും. ഇതരസംസ്ഥാന വിദ്യാര്ത്ഥികള്ക്ക് പഠനപിന്തുണ നല്കുന്നതിന് ജില്ലാ ഭരണകൂടം ആവിഷ്കരിച്ചതാണ് 'റോഷ്നി'പദ്ധതി. വിദ്യാഭ്യാസ വകുപ്പു മന്ത്രി പ്രൊഫ.സി.രവീന്ദ്രനാഥ് അധ്യക്ഷത വഹിക്കും. 'റോഷ്നി'പദ്ധതി ജില്ലാ കോ ഓര്ഡിനേറ്റര് സി.കെ.പ്രകാശ് റിപ്പോര്ട്ട് അവതരിപ്പിക്കും. ഹൈബി ഈഡന് എം.എല്.എ. ആമുഖസന്ദേശം നല്കും. കൊച്ചി കോര്പ്പറേഷന് മേയര് സൗമിനി ജെയിന് മുഖ്യപ്രഭാഷണം നടത്തും. ജില്ലാ പഞ്ചായത്ത് പ്രസിഡന്റ് ആശ സനില് സന്ദേശം നല്കും. പ്രശസ്ത സാഹിത്യകാരന് സേതു പദ്ധതി വിലയിരുത്തും. പൊതുവിദ്യാഭ്യാസ ഡയറക്ടര് കെ.വി.മോഹന്കുമാര്, ഫോര്ട്ടു കൊച്ചി സബ് കളക്ടര് സ്നേഹില് കുമാര് സിങ്, കോട്ടയം സബ് കളക്ടര് ഈശപ്രിയ, എറണാകുളം അസി.കളക്ടര് പാട്ടീല് പ്രാഞ്ജാല് ലഹേന് സിങ്, എസ്.എസ്.എ. സംസ്ഥാന പ്രോജക്ട് ഡയറക്ടര് ഡോ.കുട്ടികൃഷ്ണന് എ.പി, വിദ്യാഭ്യാസ ജോയന്റ് ഡയറക്ടര് സി.എ.സന്തോഷ്, കൊച്ചി കോര്പ്പറേഷന് കൗണ്സിലര് കെ.വി.പി.കൃഷ്ണകുമാര് തുടങ്ങിയവര് ആശംസകളര്പ്പിക്കും.
- Log in to post comments