Post Category
നിയമപരമായ രക്ഷാകര്തൃത്വം : 26 അപേക്ഷ തീര്പ്പാക്കി
ഭിന്നശേഷിക്കാരായവരുടെ സംരക്ഷണത്തിന് നിയമപരമായ രക്ഷാകര്തൃത്വം നല്കുന്ന ദേശീയ ട്രസ്റ്റ് ജില്ലാതല കമ്മിറ്റിയുടെ ഹിയറിംഗില് 26 അപേക്ഷ തീര്പ്പാക്കി. ജില്ലാ കലക്ടര് എസ് പ്രേം കൃഷ്ണന്റെ അധ്യക്ഷതയില് കലക്ടറേറ്റ് കോണ്ഫറന്സ് ഹാളില് ചേര്ന്ന ഹിയറിംഗിലാണ് അപേക്ഷ പരിഗണിച്ചത്. ബുദ്ധിവൈകല്യം, ഓട്ടിസം, സെറിബ്രല് പാര്സി, മള്ട്ടിപ്പിള് ഡിസെബിലിറ്റി എന്നിവ ബാധിച്ച കുട്ടികളുടെ സംരക്ഷണമാണ് ഹിയറിംഗിലൂടെ സാധ്യമാക്കിയത്.
വസ്തുസംബന്ധമായ അഞ്ച് അപേക്ഷകളില് രണ്ടെണ്ണം അടുത്ത ഹിയറിംഗിലേക്ക് മാറ്റി. ജില്ലാ ലീഗല് സര്വീസസ് അതോറിറ്റി സബ് ജഡ്ജ് അരുണ് ബെച്ചു, ജില്ലാ നിയമ ഓഫീസര് കെ സോണിഷ്, ജില്ലാ സാമൂഹ്യനീതി ഓഫീസര് ജെ ഷംലാ ബീഗം, ജില്ലാ സമിതി കണ്വീനര് കെ പി രമേശ്, ഉദ്യോഗസ്ഥര് തുടങ്ങിയവര് പങ്കെടുത്തു.
date
- Log in to post comments