ഭക്ഷ്യധാന്യങ്ങളുടെ വിതരണക്രമം

കോഴഞ്ചേരി താലൂക്കില്‍ ഓഗസ്റ്റ് മാസം റേഷന്‍ കടയിലൂടെ വിതരണം ചെയ്യുന്ന ഭക്ഷ്യധാന്യങ്ങളുടെ വിതരണക്രമം.
എഎവൈ കാര്‍ഡൊന്നിന് 30 കിലോ അരി (20 കിലോ കുത്തരി, 10 കിലോ പച്ചരി), രണ്ട് കിലോ ഗോതമ്പ് എന്നിവ സൗജന്യമായും ഏഴ് രൂപ നിരക്കില്‍ മൂന്ന് പാക്കറ്റ് ആട്ട, 27 രൂപ നിരക്കില്‍ ഒരു കിലോ പഞ്ചസാര.
മുന്‍ഗണന (പിഎച്ച്എച്ച്) കാര്‍ഡില്‍ ഓരോ അംഗത്തിനും നാല് കിലോ അരി (കുത്തരി, പച്ചരി രണ്ടു കിലോ വീതം) ഒരു കിലോ ഗോതമ്പ് എന്നിവ സൗജന്യമായും ഒമ്പത് രൂപ നിരക്കില്‍ നാല് പാക്കറ്റ് ആട്ട, കാര്‍ഡിന് അധികമായി അഞ്ച് കിലോ കുത്തരി 10.90 രൂപ നിരക്കില്‍ ലഭിക്കും
പൊതു വിഭാഗം സബ്‌സിഡി (എന്‍പിഎസ്) കാര്‍ഡില്‍ ഓരോ അംഗത്തിനും രണ്ട് കിലോ പച്ചരി നാല് രൂപ നിരക്കിലും കാര്‍ഡിന് അധികമായി 10 കിലോ കുത്തരി 10.90 നിരക്കില്‍ ലഭിക്കും.
പൊതുവിഭാഗം നോണ്‍ സബ്‌സിഡി (എന്‍പിഎന്‍എസ്)  കാര്‍ഡൊന്നിന് 15 കിലോ അരി (10 കിലോ കുത്തരി, അഞ്ച് കിലോ പച്ചരി) 10.90 രൂപ നിരക്കില്‍ ലഭിക്കും.