വലിയകാവ് റിസര്വ് റോഡിന്റെ നിര്മാണോദ്ഘാടനം ഓഗസ്റ്റ് 11 (തിങ്കള്)ന്
ആധുനിക നിലവാരത്തില് പുനര്നിര്മിക്കുന്ന വലിയകാവ് റിസര്വ് റോഡിന്റെ നിര്മാണോദ്ഘാടനം ഓഗസ്റ്റ് 11 (തിങ്കള്)ന് വൈകിട്ട് നാലിന് പുള്ളോലി ജംഗ്ഷനില് പൊതുമരാമത്ത് ടൂറിസം വകുപ്പ് മന്ത്രി പി എ മുഹമ്മദ് റിയാസ് നിര്വഹിക്കും. ശബരിമല റോഡ് പദ്ധതിയില് ഉള്പ്പെടുത്തി 10 കോടി രൂപ ചെലവഴിച്ച് ബിഎംബിസി നിലവാരത്തിലാണ് പുനര്നിര്മിക്കുന്നത്. അഡ്വ. പ്രമോദ് നാരായണ് എംഎല്എ അധ്യക്ഷനാകും. ആന്റോ ആന്റണി എംപി മുഖ്യപ്രഭാഷണം നടത്തും. ജില്ലാ പഞ്ചായത്ത് പ്രസിഡന്റ് ജോര്ജ് എബ്രഹാം, റാന്നി ബ്ലോക്ക് പഞ്ചായത്ത് പ്രസിഡന്റ് കെ എസ് ഗോപി എന്നിവര് മുഖ്യാതിഥികളാകും. പൊതുമരാമത്ത് നിരത്ത് വിഭാഗം എക്സിക്യൂട്ടീവ് എഞ്ചിനിയര് ബാബുരാജ് റിപ്പോര്ട്ട് അവതരിപ്പിക്കും. ഗ്രാമപഞ്ചായത്ത് പ്രസിഡന്റ് ബിന്ദു റെജി, ജില്ലാ പഞ്ചായത്തംഗം ജെസി അലക്സ്, ത്രിതല പഞ്ചായത്ത് പ്രതിനിധികള്, വകുപ്പ് ഉദ്യോഗസ്ഥര് തുടങ്ങിയവര് പങ്കെടുക്കും.
- Log in to post comments