നൈറ്റ് ഔട്ട് വിത്ത് ബി എൽ ഒ '- ഗിരിനഗർ നിവാസികൾ കതകു തുറന്നപ്പോൾ കണ്ടത് ജില്ലാ കളക്ടറെ...

വൈകിട്ട് ബെൽ ശബ്ദം കേട്ട് കതക് തുറന്നു നോക്കിയ ഗിരിനഗർ നിവാസികൾ ഒന്ന് അമ്പരന്നു... മുന്നിൽ ജില്ലാ കളക്ടർ. 

എസ് ഐ ആർ പ്രവർത്തനങ്ങളുടെ ഭാഗമായി എറണാകുളം ജില്ലാ കളക്ടർ ജി പ്രിയങ്ക ചൊവ്വാഴ്ച വൈകിട്ട് ഏഴു മണിയോടെയാണ് ബൂത്ത് ലെവൽ ഓഫീസർ, തഹസിൽദാർ എന്നിവർക്കൊപ്പം കൊച്ചി കോർപറേഷനിലെ ഗിരിനഗർ 123 ബൂത്ത് പരിധിയിലെ വോട്ടർമാരുടെ വീടുകൾ സന്ദർശിച്ചത്. 

സമ്മതിദായകരെ കണ്ട് എന്യൂമറേഷൻ ഫോമുകൾ നേരിട്ടു വിതരണം ചെയ്യുക കൂടിയായിരുന്നു ജില്ലാ കളക്ടർ. 

എസ് ഐ ആറിൻ്റെ ഗൗരവം വോട്ടർമാരെ അറിയിക്കുക, തിരഞ്ഞെടുപ്പ് നടപടികൾ വേഗത്തിൽ ആക്കുക എന്നിവയുടെ ഭാഗമായിട്ടാണ് മിന്നൽ പര്യടനം നടത്തിയത്.

1406 വോട്ടർമാരാണ് ഇവിടെയുള്ളത്. 40 ശതമാനത്തിലേറെ ഫോമുകൾ വിതരണം ചെയ്തതായി ജില്ലാ കളക്ടർ അറിയിച്ചു. രാത്രി 10 വരെ ഫോം വിതരണം നീണ്ടു. 

 എന്യൂമറേഷൻ ഫോം വിതരണത്തിൻ്റെ എട്ടാം ദിവസമായിരുന്ന ചൊവ്വാഴ്ച  

സംസ്ഥാനത്ത് രാത്രി 11.58 വരെ വരെ 1,25,3004 പേർക്ക് (47%) ഫോം വിതരണം ചെയ്തു.