തദ്ദേശ തിരഞ്ഞെടുപ്പ് : രാഷ്ട്രീയ പാർട്ടി പ്രതിനിധികളുടെ യോഗം ചേർന്നു*

തദ്ദേശ സ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പുമായി ബന്ധപ്പെട്ട് ജില്ലാ കളക്ടർ ജി പ്രിയങ്കയുടെ അധ്യക്ഷതയിൽ രാഷ്ട്രീയ പാർട്ടി പ്രതിനിധികളുടെ യോഗം ചേർന്നു.

തിരഞ്ഞെടുപ്പ് പ്രക്രിയയുടെ സുതാര്യത ഉറപ്പാക്കുന്നതിന് പെരുമാറ്റച്ചട്ടവും ഹരിത പ്രോട്ടോക്കോളും കർശനമായി പാലിക്കണമെന്ന് ജില്ലാ കളക്ടർ പറഞ്ഞു.

തിരഞ്ഞെടുപ്പ് പ്രചാരണത്തിന്റെ എല്ലാ ഘട്ടങ്ങളിലും ഹരിത പ്രോട്ടോക്കോൾ പാലിച്ചിരിക്കണം. ഒറ്റത്തവണ ഉപയോഗിക്കുന്ന പ്ലാസ്റ്റിക്, ഫ്ലെക്സ് എന്നിവ ഒഴിവാക്കി, പരിസ്ഥിതി സൗഹൃദ വസ്തുക്കൾ മാത്രം ഉപയോഗിക്കണമെന്നും, പാരിസ്ഥിതിക നിയമലംഘനങ്ങൾക്കെതിരെ കർശന നടപടി സ്വീകരിക്കുമെന്നും ജില്ലാ കളക്ടർ വ്യക്തമാക്കി.

തിരഞ്ഞെടുപ്പ് പെരുമാറ്റച്ചട്ടങ്ങളെക്കുറിച്ച് ഇലക്ഷൻ ഡെപ്യൂട്ടി കളക്ടർ സുനിൽ മാത്യൂ വിശദീകരിച്ചു. പൊതുയോഗങ്ങൾക്കും റാലികൾക്കും പോലീസിൽ നിന്ന് മുൻകൂർ അനുമതി വാങ്ങണം. വ്യക്തിഹത്യയോ മതപരവും ജാതീയവുമായ വികാരങ്ങൾ ഇളക്കിവിടുന്ന പ്രസ്താവനകളോ ഒഴിവാക്കി മാതൃകാപരമായ തിരഞ്ഞെടുപ്പ് ഉറപ്പാക്കാൻ പാർട്ടികൾ സഹകരിക്കണമെന്നും അദ്ദേഹം പറഞ്ഞു.