നവകേരളം സിറ്റിസണ്സ് റെസ്പോണ്സ് പ്രോഗ്രാം വളണ്ടിയര്മാര്ക്കുള്ള പരിശീലനം സംഘടിപ്പിച്ചു
നവകേരളം സിറ്റിസണ്സ് റെസ്പോണ്സ് പ്രോഗ്രാം വികസനക്ഷേമ പഠന പരിപാടി ഉദുമ നിയോജക മണ്ഡലത്തിനു കീഴിലെ കുറ്റിക്കോല്, ബേഡഡുക്ക പഞ്ചായത്തിലെ കര്മസേന
വളണ്ടിയര്മാര്ക്കുള്ള പരിശീലനപരിപാടി കുറ്റിക്കോല് ഗ്രാമപഞ്ചായത്ത് കോണ്ഫറന്സ് ഹാളില് നടന്നു. കുറ്റിക്കോല് ഗ്രാമപഞ്ചായത്ത് പ്രസിഡന്റ് ശോഭനകുമാരി പരിപാടി ഉദ്ഘാടനം ചെയ്തു. വൈസ് പ്രസിഡന്റ് ടി.കെ മനോജ് അധ്യക്ഷത വഹിച്ചു. സിറ്റിസണ് റെസ്പോണ്സ് പ്രോഗ്രാം വികസനക്ഷേമ പഠനപരിപാടി ഉദുമ നിയോജക മണ്ഡലം ചുമതലയുള്ള സഹകരണ വകുപ്പ് അസിസ്റ്റന്റ് രജിസ്ട്രാര് ഓഫീസ് പ്ലാനിങ് ഓഫീസര് കെ വി മനോജ് കുമാര് ആമുഖഭാഷണം നടത്തി. നവകേരളം റിസോഴ്സ് പേഴ്സണ് പി കെ ലോഹിതാക്ഷന് നവകേരളം കര്മസേന ഘടനയും പ്രവര്ത്തനങ്ങളും എന്ന വിഷയത്തിലും, പഞ്ചായത്ത് തല നിര്വഹണ സമിതി അംഗം കെ.ടി സുകുമാരന് സര്ക്കാരിന്റെ പ്രോഗ്രസ്സ് റിപ്പോര്ട്ട് എന്ന വിഷയത്തിലും ക്ലാസുകള് കൈകാര്യം ചെയ്തു. കില തിമാറ്റിക് എക്സ്പെര്ട്ട് എസ് ബി ശ്രുതി മൊബൈല് അപ്ലിക്കേഷന് പരിചയപ്പെടുത്തി. കുറ്റിക്കോല് ഗ്രാമ പഞ്ചായത്ത് അംഗം കെ.സി ബാലകൃഷ്ണന് സംസാരിച്ചു. പഞ്ചായത്ത് തല നിര്വഹണ സമിതി അംഗം കെ.ടി സുകുമാരന് സ്വാഗതം പറഞ്ഞു.
- Log in to post comments