ഗ്രാജ്വേറ്റ് എൻജിനീയറുടെ ഒഴിവ്

കേരള മിനറൽസ് ആൻഡ് മെറ്റൽസിൽ ഗ്രാജ്വേറ്റ് എൻജിനിയർ സേഫ്റ്റി തസ്തികയിൽ ഒബിസി വിഭാഗത്തിന് സംവരണം ചെയ്തിട്ടുള്ള ഒരു ഒഴിവ് നിലവിലുണ്ട്. ഫയർ ആൻഡ് സേഫ്റ്റിയിൽ ബി.ടെക്/ബി.ഇ/എം.ടെക്/എം.ഇ ഫസ്റ്റ് ക്ലാസ് വിജയമാണ് യോഗ്യത. ശമ്പള സ്കെയിൽ 25000 രൂപ. പ്രായ പരിധി 01.01.2025 ന് 41 വയസ് കവിയാൻ പാടില്ല.

യോഗ്യതയുള്ളവർ പ്രായം, വിദ്യാഭ്യാസ യോഗ്യത, പ്രവൃത്തി പരിചയം എന്നിവ തെളിയിക്കുന്ന അസൽ സർട്ടിഫിക്കറ്റുകളുമായി മേയ് 22 നകം ബന്ധപ്പെട്ട പ്രൊഫഷണൽ ആൻഡ് എക്സിക്യൂട്ടീവ് എംപ്ലോയ്മെന്റ് എക്സ്ചേഞ്ചിൽ നേരിട്ട് ഹാജരാകണം. നിലവിൽ ജോലി ചെയ്തു കൊണ്ടിരിക്കുന്നവർ ബന്ധപ്പെട്ട സ്ഥാപനമേധാവിയിൽ നിന്നുള്ള എൻ.ഒ.സി ഹാജരാക്കണം.

പി.എൻ.എക്‌സ്. 1519/2026