ചാലക്കുടി വിമുക്തി മിഷൻ ഡി-അഡിക്ഷൻ സെന്ററിൽ നേഴ്‌സിംഗ് ഓഫീസർ വാക്ക്-ഇൻ ഇന്റർവ്യൂ 14-ന്

എക്സൈസ് വകുപ്പിന്റെ കീഴിൽ ചാലക്കുടി താലൂക്ക് സർക്കാർ ആശുപത്രിയിൽ പ്രവർത്തിക്കുന്ന വിമുക്തി മിഷൻ ഡി-അഡിക്ഷൻ സെന്ററിലേക്ക് നേഴ്‌സിംഗ് ഓഫീസർ തസ്തികയിൽ കരാറടിസ്ഥാനത്തിൽ താത്കാലിക നിയമനം നടത്തുന്നു. ഓഗസ്റ്റ് 14-ന് രാവിലെ 11-ന് താലൂക്ക് ഹെഡ് ക്വാർട്ടേഴ്‌സ് ആശുപത്രി സൂപ്രണ്ടിന്റെ ഓഫീസിലാണ് വാക് ഇൻ ഇന്റർവ്യൂ.

ജി.എൻ.എം അല്ലെങ്കിൽ ബി.എസ്.സി നഴ്സിംഗ് യോഗ്യതയും കേരള നേഴ്‌സിംഗ് കൗൺസിൽ രജിസ്‌ട്രേഷനും ഉള്ളവർക്ക് പങ്കെടുക്കാം. പ്രവൃത്തിപരിചയമുള്ളവർക്ക് മുൻഗണന. ഉയർന്ന പ്രായപരിധി 40 വയസാണ്. പ്രതിമാസം 32,550/- രൂപയാണ് വേതനം. നിയമന കാലാവധി ഓരോ വർഷവും പുതുക്കി പരമാവധി 3 വർഷം ആയിരിക്കും.

താത്പര്യമുള്ള ഉദ്യോഗാർത്ഥികൾ വിദ്യാഭ്യാസ യോഗ്യത, പ്രവൃത്തിപരിചയം, തിരിച്ചറിയൽ രേഖ എന്നിവയുടെ അസൽ സർട്ടിഫിക്കറ്റുകളും സ്വയം സാക്ഷ്യപ്പെടുത്തിയ പകർപ്പുകളും സഹിതം നിർദ്ദിഷ്ട തീയതിയിലും സമയത്തും അഭിമുഖത്തിന് ഹാജരാകണം.