സ്റ്റുഡന്റ് കൗൺസിലർ നിയമനം

പട്ടികവർഗ്ഗ വികസന വകുപ്പിന് കീഴിൽ ജില്ലയിലെ നാല് പ്രീ-മെട്രിക് ബോയ്സ് ഹോസ്റ്റലുകളിലെ അന്തേവാസികളായ വിദ്യാർത്ഥികൾക്ക് കൗൺസിലിംഗും കരിയർ ഗൈഡൻസും നൽകുന്നതിനായി കരാറടിസ്ഥാനത്തിൽ സ്റ്റുഡന്റ് കൗൺസിലറെ (പുരുഷൻ) നിയമിക്കുന്നു. എം.എ സൈക്കോളജി അല്ലെങ്കിൽ എം.എസ്.ഡബ്ല്യു ആണ് അടിസ്ഥാന യോഗ്യത (സ്റ്റുഡന്റ് കൗൺസിലിംഗ് പരിശീലനം നേടിയവരായിരിക്കണം). കൗൺസിലിംഗിൽ സർട്ടിഫിക്കറ്റ്/ഡിപ്ലോമ നേടിയവർക്കും ഈ രംഗത്ത് മുൻപരിചയമുള്ളവർക്കും മുൻഗണന ലഭിക്കും. 2026 ജനുവരി ഒന്നിന് 25-നും 45-നും മധ്യേ പ്രായമുള്ളവരായിരിക്കണം. 2026 സെപ്റ്റംബർ മുതൽ 2027 മാർച്ച് വരെയാണ് കാലാവധി. പ്രതിമാസം 18,000 രൂപ ഹോണറേറിയവും പരമാവധി 2,000 രൂപ യാത്രാപ്പടിയും ലഭിക്കും. നിശ്ചിത യോഗ്യതയുള്ള പട്ടികവർഗ്ഗ വിഭാഗക്കാർക്ക് വെയിറ്റേജ് മാർക്ക് നൽകും. വാക്ക്-ഇൻ-ഇന്റർവ്യൂ സെപ്റ്റംബർ രണ്ടിന് രാവിലെ 11 മണിക്ക് നിലമ്പൂർ ഐ.ടി.ഡി.പി ഓഫീസിൽ നടക്കും. വിവരങ്ങൾക്ക് ഫോൺ: 04931-220315.