കോവിഡ് 19: ആർടി ഓഫീസുകളിൽ നിയന്ത്രണം

കോവിഡ് 19 രോഗപ്രതിരോധത്തിന്റെ ഭാഗമായി റീജ്യണൽ ട്രാൻസ്‌പോർട്ട് ഓഫീസിൽ നിയന്ത്രണങ്ങൾ ഏർപ്പെടുത്തിയതായി തൃശൂർ ആർടിഒ അറിയിച്ചു.
അന്വേഷണങ്ങൾ ഫോണിലൂടെ മാത്രം(0487 2360262).
തിരക്ക് നിയന്ത്രിക്കുവാൻ ഒരാളുടെ പക്കൽ നിന്നും ഒരു അപേക്ഷ മാത്രം സ്വീകരിക്കുകയുളളൂ.
കൗണ്ടർ സമയത്ത് പത്തിൽ കൂടുതൽ ആളുകൾ ഒരേ സമയം ഓഫീസിനകത്ത് പ്രവേശിക്കുന്നത് നിയന്ത്രിക്കും.
ഉച്ചയ്ക്ക് ശേഷം അത്യാവശ്യ കാര്യങ്ങൾക്കെല്ലാതെ ഓഫീസിലേക്ക് ആരും വരേണ്ടതില്ല.
തീർപ്പു കൽപ്പിച്ച അപേക്ഷകൾ നേരിട്ട് ആർക്കും നൽകുന്നതല്ല.
മാർച്ച് 31 വരെ ഫാസ്റ്റ് ട്രാക്ക് കൗണ്ടർ ഉണ്ടായിരിക്കുന്നതല്ല.
ഓൺലൈനായി ഫീസ് അടച്ച അപേക്ഷകൾ മാത്രമേ സ്വീകരിക്കുകയുള്ളൂ.
മാർച്ച് 31 വരെ പേർസണൽ ഹിയറിങ്ങ് ഉണ്ടായിരിക്കുന്നതല്ല.
മാർച്ച് 25 വരെ ലേണേഴ്‌സ്, ഡ്രൈവിങ്ങ്, ബാഡ്ജ്, കണ്ടക്ടർ ടെസ്റ്റുകൾ, റോഡ് സുരക്ഷാ ക്ലാസ്സുകൾ എന്നിവ ഉണ്ടായിരിക്കുന്നതല്ല.
വാഹനങ്ങൾ ടെസ്റ്റിനായി കൊണ്ടുവരുന്നവർ കൂട്ടം കൂടി നിൽക്കരുത്
മേൽ നിർദ്ദേശങ്ങൾ കർശനമായി പാലിക്കണമെന്ന് ആർടിഒ അറിയിച്ചു.