Post Category
കരിഞ്ചന്തയും പൂഴ്ത്തിവെപ്പും തടയാന് കടകളില് പരിശോധന നടത്തി
കോവിഡ്-19 ന്റെ പശ്ചാത്തലത്തില് പൊതുവിപണിയിലെ കരിഞ്ചന്ത, പൂഴ്ത്തിവെയ്പ്, അമിതവില ഈടാക്കല് എന്നിവ തടയുന്നതിന്റെ ഭാഗമായി മൂഴിക്കല്, വേങ്ങേരി, തടമ്പാട്ടുതാഴം, ചെലവൂര് എന്നിവിടങ്ങളിലെ 31-ഓളം കടകളില് പരിശോധന നടത്തി. ക്രമക്കേടുകള് കണ്ടെത്തിയ വ്യാപാരികള്ക്കെതിരെ അവശ്യസാധന നിയമപ്രകാരം നടപടി സ്വീകരിക്കുന്നതിന് നോട്ടീസ് നല്കിയതായി സിറ്റി റേഷനിംഗ് ഓഫീസര്മാര് അറിയിച്ചു. ചില്ലറ വ്യാപാരികള് മൊത്തവ്യാപാര കേന്ദ്രത്തില് നിന്നു വാങ്ങുന്ന സാധനങ്ങളുടെ ബില്ല് കൃത്യമായി സൂക്ഷിക്കേണ്ടതും പരിശോധനാ ഉദ്യോഗസ്ഥര് മുമ്പാകെ ഹാജരാക്കേണ്ടതുമാണ്. പരിശോധനാ സ്ക്വാഡിന് സൗത്ത് സിറ്റി റേഷനിംഗ് ഓഫീസര്, നോര്ത്ത് സിറ്റി റേഷനിംഗ് ഓഫീസര് എന്നിവര് നേതൃത്വം നല്കി. റേഷനിംഗ് ഇന്സ്പെക്ടര്മാരും പങ്കെടുത്തു. വരും ദിവസങ്ങളിലും പരിശോധന നടത്തും.
date
- Log in to post comments