ಇಂದು 7 ಜನರಿಗೆ ಕೋವಿಡ್ -19 ದೃಡಪಡಿಸಲಾಗಿದೆ

ಹೊಸದಾಗಿ ಒಂದು ಹಾಟ್ ಸ್ಪಾಟ್ ಕೂಡ 

 ಕೇರಳದಲ್ಲಿ ಇಂದು 7 ಜನರಿಗೆ ಕೋವಿಡ್ -19 ದೃಡಪಡಿಸಿರುವುದಾಗಿ ಆರೋಗ್ಯ ಸಚಿವೆ ಕೆ.ಕೆ. ಶೈಲಾಜಾ ಟೀಚರ್ ತಿಳಿಸಿದರು. ಕಾಸರ್‌ಗೋಡ್ ಜಿಲ್ಲೆಯ ನಾಲ್ಕು ಜನರಿಗೂ ಮತ್ತು ಪಾಲಕ್ಕಾಡ್, ಮಲಪ್ಪುರಂ ಮತ್ತು ವಯನಾಡ್ ಜಿಲ್ಲೆಗಳಲ್ಲಿನ ತಲಾ ಒಬ್ಬೊಬ್ಬರಿಗೆ ರೋಗ ದೃಡಪಡಿಸಿರುವುದು. ಕಾಸರಗೋಡು ಜಿಲ್ಲೆಯ ನಾಲ್ವರು ಮಹಾರಾಷ್ಟ್ರದಿಂದ, ಪಾಲಕ್ಕಾಡ್‌ ಜಿಲ್ಲೆಯ ಒಬ್ಬರು ಚೆನ್ನೈನಿಂದ, ಮತ್ತು ಮಲಪ್ಪುರಂ ಜಿಲ್ಲೆಯ ಒಬ್ಬರು ಕುವೈಟ್‌ನಿಂದ ಕಳೆದ ದಿನಗಳಲ್ಲಿ ಬಂದವರು. ವಯನಾಡ್ ಜಿಲ್ಲೆಯ ವ್ಯಕ್ತಿಗೆ ಸಂಪರ್ಕದ ಮೂಲಕ ರೋಗ ಬಂದಿರುವುದು. ಅದೇ ಸಮಯದಲ್ಲಿ, ರೋಗ ದೃಡಪಡಿಸಿ ಚಿಕಿತ್ಸೆಯಲ್ಲಿದ್ದ ಯಾರೊಬ್ಬರ ತಪಾಸಣಾ ಫಲಿತಾಂಶ ಋಣಾತ್ಮಕವಾಗಿಲ್ಲ.  ಈವರೆಗೆ 489 ಜನರು ಕೋವಿಡ್‌ನಿಂದ ಗುಣಮುಖರಾಗಿದ್ದಾರೆ. ಪ್ರಸ್ತುತ 27 ಜನರು ರಾಜ್ಯದ ವಿವಿಧ ಆಸ್ಪತ್ರೆಗಳಲ್ಲಿ  ಚಿಕಿತ್ಸೆ ಪಡೆಯುತ್ತಿದ್ದಾರೆ.

ನಿನ್ನೆಯ ತನಕ, ಇತ್ತೀಚೆಗೆ 1307 ಜನರು ವಿದೇಶದಿಂದ ಬಂದವರು. ಈ ಪೈಕಿ 650 ಜನರು ಮನೆಯಲ್ಲಿ, 641 ಜನರು ಕೋವಿಡ್ ಆರೈಕೆ ಕೇಂದ್ರಗಳಲ್ಲಿ ಮತ್ತು 16 ಮಂದಿ ಆಸ್ಪತ್ರೆಗಳಲ್ಲಿ ನಿರೀಕ್ಷಣೆಯಲ್ಲಿದ್ದಾರೆ. ಈ ಪೈಕಿ 229 ಮಂದಿ ಗರ್ಭಿಣಿಯರು.

ರಾಜ್ಯದ ವಿವಿಧ ಜಿಲ್ಲೆಗಳಲ್ಲಿ ಒಟ್ಟು 27,986 ಜನರು ನಿರೀಕ್ಷಣೆಯಲ್ಲಿದ್ದಾರೆ. ಈ ಪೈಕಿ 27,545 ಜನರು ಮನೆಗಳಲ್ಲಿ ಮತ್ತು 441 ಜನರು ಆಸ್ಪತ್ರೆಗಳಲ್ಲಿ ನಿರೀಕ್ಷಣೆಯಲ್ಲಿರುವರು. ಇಂದು 157 ಜನರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಇಲ್ಲಿಯವರೆಗೆ, 37,858 ವ್ಯಕ್ತಿಗಳ (ಓಗ್ಮೆಂಟೆಡ್ ಮಾದರಿ ಸೇರಿದಂತೆ) ಮಾದರಿಯನ್ನು ಪರಿಶೀಲನೆಗಾಗಿ ಕಳುಹಿಸಲಾಗಿದೆ.ಇದರಲ್ಲಿ ಲಭ್ಯವಾದ 37,098 ಮಾದರಿಗಳ ತಪಾಸಣಾ ಫಲಿತಾಂಶಗಳು ನಕಾರಾತ್ಮಕವಾಗಿವೆ. ಇದಲ್ಲದೆ, ಸೆಂಟಿನೆಲ್ ಸರ್ವೈಲೆನ್ಸ್ ನ ಭಾಗವಾಗಿ, ಆರೋಗ್ಯ ಕಾರ್ಯಕರ್ತರು, ಅತಿಥಿ ಕೆಲಸಗಾರರು, ಸಾಮಾಜಿಕ ಸಂಪರ್ಕ ಹೆಚ್ಚಾಗಿರುವ ವ್ಯಕ್ತಿಗಳ ಆದ್ಯತೆಯ ಗುಂಪುಗಳಿಂದ 3842 ಮಾದರಿಗಳನ್ನು ಸಂಗ್ರಹಿಸಲಾಗಿರುವುದರಲ್ಲಿ 3791 ಮಾದರಿಗಳು ನಕಾರಾತ್ಮಕವಾಗಿವೆ.

ರಾಜ್ಯದಲ್ಲಿ ಇಂದು ಒಂದು ಹೊಸ ಹಾಟ್ ಸ್ಪಾಟ್ ಕೂಡ ಸೇರಿಸಲಾಗಿದೆ.  ವಯನಾಡ್ ಜಿಲ್ಲೆಯ ನೆನ್ಮೆನಿ ಹೊಸ ಹಾಟ್ ಸ್ಪಾಟ್. ಪ್ರಸ್ತುತ ಒಟ್ಟು 34 ಹಾಟ್ ಸ್ಪಾಟ್‌ಗಳಿವೆ.