ചെട്ടിപ്പടി ജി.എല്.പി സ്കൂളില് ഭൗതിക സാഹചര്യം മികച്ചതാക്കുന്നു: സ്കൂള് നവീകരണത്തിന് പി.കെ അബ്ദുറബ് എം.എല്.എ ശിലയിട്ടു
മത്സ്യത്തൊഴിലാളി കുടുംബങ്ങളിലെ കുട്ടികള് ഭൂരിഭാഗമുള്ള പരപ്പനങ്ങാടി ചെട്ടിപ്പടി ജി.എല്.പി സ്കൂളില് ഭൗതിക സാഹചര്യം മികച്ചതാക്കുന്നു. സംസ്ഥാന സര്ക്കാര് കിഫ്ബി മുഖേന അനുവദിച്ച 39,095,00 രൂപ വിനിയോഗിച്ചാണ് സ്കൂള് നവീകരിക്കുന്നത്. മൂന്ന് ഡിജിറ്റല് ക്ലാസ് മുറികള്, ടോയ്ലറ്റ് കോംപ്ലക്സ് എന്നീ സൗകര്യങ്ങള് ഒരുക്കുന്നതിനൊപ്പം 10 ലക്ഷം രൂപ ചെലവില് സ്കൂളില് നവീകരണ പ്രവൃത്തിയും നടത്തും. തീരദേശ വികസന കോര്പ്പറേഷന്റെ മേല്നോട്ടത്തിലുള്ള നവീകരണ പ്രവൃത്തി ഒരു മാസത്തിനകം തുടങ്ങും. സംസ്ഥാനത്തെ 56 സര്ക്കാര് സ്കൂളുകളില് 69.25 കോടി രൂപ ചെലവഴിച്ച് പശ്ചാത്തല സൗകര്യം വികസിപ്പിക്കുന്നതിന്റെ ഭാഗമായാണ് ചെട്ടിപ്പടി ജി.എല്.പി സ്കൂളിലും പദ്ധതി നടപ്പാക്കുന്നത്. ചെട്ടിപ്പടി ജി.എല്.പി സ്കൂളില് ശിലാസ്ഥാപനം പി.കെ അബ്ദുറബ് എം.എല്.എ നിര്വഹിച്ചു. പി.ടി.എ പ്രസിഡന്റ് കെ.അനില്കുമാര് അധ്യക്ഷനായി.
തീരദേശ മേഖലകളായ പുതുക്കുളം, കൊടപ്പാളി, കുന്നുമ്മല്, പൂവ്വത്താംകുന്ന്, കച്ചേരിപ്പാടം എന്നീ മേഖലകളില് നിന്നുള്ള വിദ്യാര്ഥികളാണ് സ്കൂളില് പഠിക്കുന്നത്.
തീരദേശ വികസന കോര്പ്പറേഷന് റീജിയനല് മാനേജര് പി.അബ്ദുള് മജീദ്, സ്കൂള് പ്രധാനധ്യാപകന് എന്.ശിവദാസന്, സ്കൂള് വെല്ഫെയര് കമ്മിറ്റി ചെയര്മാന് അബ്ദുറഹിമാന് നഹ, സ്കൂള് അധ്യാപകന് എ.എസ് റഹിം എന്നിവര് പങ്കെടുത്തു.
- Log in to post comments