കോവിഡ് 19 വ്യാപനം: ജില്ലയില് കൂടുതല് നിയന്ത്രണങ്ങളായി കടകള് രാവിലെ ഏഴ് മുതല് വൈകീട്ട് ആറ് വരെ മാത്രം
ജില്ലയില് കോവിഡ് വ്യാപിക്കുന്ന സാഹചര്യത്തില് ഇന്നലെ(ജൂലൈ 27) മുതല് കൂടുതല് നിയന്ത്രണങ്ങള് ഏര്പ്പെടുത്തിയതായി ജില്ലാ കലക്ടര് കെ.ഗോപാലകൃഷ്ണന് അറിയിച്ചു. ജില്ലയില് കണ്ടെയിന്മെന്റ് സോണ് ഒഴികെയുള്ള എല്ലാ പ്രദേശങ്ങളിലെയും കടകള് ഓഗസ്റ്റ് 10 വരെ രാവിലെ ഏഴ് മുതല് വൈകീട്ട് ആറു വരെ മാത്രമേ പ്രവര്ത്തിക്കാന് പാടുള്ളൂ. ഹോട്ടലുകള്, തട്ടുകടകള് എന്നിവയില് രാത്രി എട്ടു വരെ ഭക്ഷണം പാഴ്സല് നല്കാം. ഇരുന്ന് കഴിക്കാന് പാടില്ല. കണ്ടെയിന്മെന്റ് സോണില് നിലവിലുളള നിയന്ത്രണങ്ങള് തുടരും. ഇറച്ചി, മത്സ്യകടകളിലെ ജീവനക്കാര് മാസ്ക് ധരിക്കുന്നില്ലെന്ന വ്യാപകമായ പരാതിയുള്ളതിനാല് ഇവിടങ്ങളില് പൊലീസ്, ഭക്ഷ്യസുരക്ഷാ, ആരോഗ്യ വകുപ്പുകള് പരിശോധന നടത്തും. തുറന്ന് പ്രവര്ത്തിക്കുന്ന സ്ഥാപനങ്ങളുടെ അകത്തും പുറത്തും സാനിറ്റൈസര്, മാസ്ക്, സാമൂഹിക അകലം എന്നിവ നിര്ബന്ധമായും പാലിക്കണം. വീഴ്ച വരുത്തുന്ന സ്ഥാപനങ്ങളുടെ ലൈസന്സ് റദ്ദാക്കും. കണ്ടെയിന്മെന്റ് സോണുകളില് നിലവിലുള്ള നിയന്ത്രണങ്ങള് തുടരുമെന്നും ജില്ലാ കലക്ടര് അറിയിച്ചു.
- Log in to post comments