കേരള ജല അതോറിറ്റി മുന്നറിയിപ്പ്

കനത്ത മഴയും വെള്ളപ്പൊക്കവും ഉണ്ടാകുമെന്നുള്ള മുന്നറിയിപ്പുള്ളതിനാല്‍ വെള്ളം കയറുന്ന താഴ്ന്ന ഭാഗങ്ങളിലെ ഉപഭോക്താക്കള്‍ വീടുമാറി താമസിക്കേണ്ടി വരുന്ന സാഹചര്യങ്ങളില്‍ മീറ്റര്‍ ചേമ്പറില്‍ ഉള്ള വാല്‍വ് അടച്ചിടണമെന്ന് കേരള ജല അതോറിറ്റി എക്സിക്യൂട്ടീവ എഞ്ചിനീയര്‍ അറിയിച്ചു. അല്ലാത്തപക്ഷം വാട്ടര്‍ മീറ്ററിനു ശേഷമുള്ള ഭാഗങ്ങളില്‍ പൈപ്പ് പൊട്ടിയാല്‍ വലിയ തോതിലുള്ള ജല നഷ്ടമുണ്ടാവാനും, ഉപഭോക്താവിന് അധിക തുക അടയ്ക്കേണ്ടതായും വരും. ഇതിനാല്‍ മുന്‍കരുതലെടുക്കുന്നതിന് ബന്ധപ്പെട്ട ഉപഭോക്താക്കള്‍ ശ്രദ്ധിക്കണമെന്നും അറിയിച്ചു.