നിയമസഭാ അന്താരാഷ്ട്ര പുസ്തകോത്സവം; മാധ്യമ അവാർഡുകൾ പ്രഖ്യാപിച്ചു

‘ആസാദി കാ അമൃത് മഹോത്സവ്’ ന്റെയും കേരള നിയമസഭാ ലൈബ്രറി ശതാബ്ദി ആഘോഷങ്ങളുടെയും ഭാഗമായി കേരള നിയമസഭ സംഘടിപ്പിച്ച കേരള നിയമസഭ അന്താരാഷ്ട്ര പുസ്തകോത്സവം 2023 നോടനുബന്ധിച്ചുള്ള മാധ്യമ അവാർഡ് ജേതാക്കളെയും പുസ്തകോത്സവത്തിന്റെ ഭാഗമായി മികച്ച മെഗാ ഇവന്റ് നടത്തിയ മാധ്യമത്തെയും തെരഞ്ഞെടുത്തു.

ദൃശ്യ മാധ്യമ വിഭാഗം: കെ.അരുൺ കുമാർ, ഏഷ്യാനെറ്റ് ന്യൂസ്, അച്ചടി മാധ്യമ വിഭാഗം: ദേശാഭിമാനി, ശ്രവ്യ മാധ്യമ വിഭാഗം: ക്ലഫ് എഫ്.എം, ഓൺലൈൻ മാധ്യമ വിഭാഗം: ZEE മലയാളം ന്യൂസ്, മികച്ച റിപ്പോർട്ടർ: പി.ബി ബിച്ചു, മെട്രോ വാർത്ത, മികച്ച ഫോട്ടോഗ്രാഫർ: ദീപു ബി.പി, ദ ന്യൂ ഇന്ത്യൻ എക്സ്പ്രസ്, മികച്ച ക്യാമറാമാൻ: ഉണ്ണി പാലാഴി, മീഡിയ വൺ, മികച്ച മെഗാ ഇവന്റ്: വിസ്മയ സന്ധ്യ എന്ന പരിപാടി അവതരിപ്പിച്ച മലയാള മനോരമ കമ്പനി പ്രൈവറ്റ് ലിമിറ്റഡ്.

2023 ഫെബ്രുവരി 20 തിങ്കളാഴ്ച ഉച്ചയ്ക്ക് 12 മണിക്ക് ആർ. ശങ്കരനാരായണൻ തമ്പി മെമ്പേഴ്സ് ലോഞ്ചിൽ വച്ച് നടത്തുന്ന ചടങ്ങിൽ സ്പീക്കർ എ. എൻ. ഷംസീർ അവാർഡുകൾ വിതരണം ചെയ്യും.

പി.എൻ.എക്സ്. 868/2023