Post Category
പ്രധാൻമന്ത്രി ആവാസ് യോജന; മുളന്തുരുത്തി ബ്ലോക്കിൽ 40 വീടുകളുടെ താക്കോൽ കൈമാറി
കേന്ദ്ര സർക്കാർ പദ്ധതിയായ പ്രധാൻ മന്ത്രി ആവാസ് യോജനയുടെ മുളന്തുരുത്തി ബ്ലോക്കിൽ നിർമ്മിച്ച 40 വീടുകളുടെ താക്കോൽ ദാനം മുളന്തുരുത്തി ബ്ലോക്ക് പഞ്ചായത്ത് പ്രസിഡന്റ് രാജു പി. നായർ നിർവഹിച്ചു. മുളന്തുരുത്തി ബ്ലോക്കിൽ അനുവദിച്ച 45 വീടുകളിൽ 40 വീടുകളുടെ നിർമ്മാണവും പൂർത്തിയാക്കാൻ സാധിച്ചത് അഭിമാനാർഹമായ നേട്ടമാണെന്ന് അദ്ദേഹം പറഞ്ഞു.
എടക്കാട്ടുവയൽ പഞ്ചായത്ത് പ്രസിഡന്റ് കെ.ആർ. ജയകുമാർ അധ്യക്ഷത വഹിച്ചു. മണീട് പഞ്ചായത്ത് പ്രസിഡന്റ് വി.ജെ.ജോസഫ്, ബ്ലോക്ക് പഞ്ചായത്ത് വൈസ് പ്രസിഡന്റ് ബിന്ദു സജീവ്, ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ പി.കെ. പ്രദീപ്, ബ്ലോക്ക് പഞ്ചായത്ത് അംഗങ്ങളായ ജലജ മോഹനൻ, ജെയ്നി രാജു, ബ്ലോക്ക് ഡെവലപ്മെൻ്റ് ഓഫീസർ സാബു കെ.മാർക്കോസ്, ഹൌസിങ് എക്സ്റ്റൻഷൻ ഓഫീസർ പി അനില തുടങ്ങിയവർ സംസാരിച്ചു.
date
- Log in to post comments