ഗ്രന്ഥശാലകള് വിവരവിജ്ഞാന കേന്ദ്രങ്ങളായി മാറണം: ജില്ലാ പഞ്ചായത്ത് പ്രസിഡന്റ്
ഗ്രന്ഥശാലകള് സാമൂഹത്തില് വെളിച്ചം പകരുന്ന വിവര വിജ്ഞാനകേന്ദ്രങ്ങളായി മാറണമെന്ന് ജില്ലാ പഞ്ചായത്ത് പ്രസിഡന്റ് പി കെ ഗോപന്. ഗ്രന്ഥശാലകള്ക്കായി ജില്ലാ പഞ്ചായത്ത് നടപ്പിലാക്കുന്ന വെളിച്ചം പദ്ധതിയുടെ ഭാഗമായി സംസ്ഥാന ലൈബ്രറി കൗണ്സിലില് അഫിലിയേറ്റ് ചെയ്ത ഗ്രാമീണ ഗ്രന്ഥശാലകള്ക്ക് ലാപ്ടോപ്പ്, പ്രൊജക്ടര്, സ്ക്രീന് എന്നിവയുടെ വിതരണോദ്ഘാടനം നിര്വഹിക്കുകയായിരുന്നു അദ്ദേഹം. സാങ്കേതികവിദ്യയുടെ സഹായം ഗ്രന്ഥശാലകള് പരമാവധി പ്രയോജനപ്പെടുത്തണം. ഉപകരണങ്ങള് വേണ്ടവിധത്തില് കൈകാര്യം ചെയ്ത് സൂക്ഷിക്കണം. വയോജനങ്ങള്ക്കായി വയോക്ലബ് പദ്ധതിയും ജില്ലയില് നടപ്പിലാക്കുമെന്നും അദ്ദേഹം കൂട്ടിച്ചേര്ത്തു.
ജില്ലാ പഞ്ചായത്തിന്റെ 60 ലക്ഷം രൂപ വിനിയോഗിച്ച് 70 ഗ്രന്ഥശാലകള്ക്കാണ് പദ്ധതിയുടെ ആനുകൂല്യം വിതരണം ചെയ്തത്. വൈസ് പ്രസിഡന്റ് ശ്രീജാ ഹരീഷ് അധ്യക്ഷയായി. ജില്ലാ പഞ്ചായത്ത് ഹാളില് നടന്ന ചടങ്ങില് വികസന സ്റ്റാന്ഡിങ് കമ്മിറ്റി ചെയര്പേഴ്സണ് നജീബത്ത്, പൊതുമരാമത്ത് സ്റ്റാന്ഡിങ് കമ്മിറ്റി ചെയര്പേഴ്സണ് വസന്ത രമേശ്, ക്ഷേമകാര്യ സ്റ്റാന്ഡിങ് കമ്മിറ്റി ചെയര്മാന് അനില് എസ് കല്ലേലിഭാഗം, മുന് ജില്ലാ പഞ്ചായത്ത് പ്രസിഡന്റ് സാം കെ ഡാനിയല്, ജില്ലാ പഞ്ചായത്ത് അംഗങ്ങള്, സെക്രട്ടറി ബിനുന് വാഹിദ്, ഗ്രന്ഥശാല ഭാരവാഹികള് തുടങ്ങിയവര് പങ്കെടുത്തു.
- Log in to post comments