കേരളീയം : കേരളത്തിലെ ഭൂപരിഷ്‌കരണം സെമിനാർ ഇന്ന്

            കേരളീയം പരിപാടിയോടനുബന്ധിച്ച് റവന്യു വകുപ്പിന്റെ ആഭിമുഖ്യത്തിൽ കേരളത്തിലെ ഭൂപരിഷ്‌കരണം എന്ന വിഷയത്തിൽ സംഘടിപ്പിക്കുന്ന സെമിനാർ ഇന്ന് (നവം 2 ) രാവിലെ 9.30 മുതൽ സെൻട്രൽ സ്റ്റേഡിയത്തിൽ നടക്കും.

            റവന്യൂ വകുപ്പ് മന്ത്രി കെ രാജന്റെ ആമുഖ പ്രഭാഷണത്തോടെ ആരംഭിക്കുന്ന സെമിനാറിൽ റവന്യു പ്രിൻസിപ്പൽ സെക്രട്ടറി ടിങ്കു ബിസ്വാൾ, മുൻ മന്ത്രിമാരായ ഏ കെ ബാലൻ, ബിനോയ് വിശ്വം, ഇ പി ജയരാജൻ, അഡ്വക്കേറ്റ് കാളീശ്വരം രാജ്, അഡ്വ. കെ പ്രകാശ് ബാബു, അബ്ബാസ് രാജാ ബി ഫാഡ്, ജോൺ ഹാരിസ് (ഓൺലൈൻ), വിനോദ് കെ അഗർവാൾ, സിറാം സാംബശിവ റാവു തുടങ്ങിയവർ പങ്കെടുക്കും.

            പി.എൻ.എക്‌സ്. 5182/2023