ജില്ലാതല നിക്ഷേപക സംഗമം
സംരംഭകത്വ പ്രോത്സാഹനം ലക്ഷ്യമാക്കി ജില്ലാ വ്യവസായ കേന്ദ്രം നാണി ഹോട്ടലില് ജില്ലാതലനിക്ഷേപക സംഗമം സംഘടിപ്പിച്ചു .ജില്ലാ കലക്ടര് എന് ദേവിദാസ് ഉദ്ഘാടനം ചെയ്തു. സര്ക്കാരിന്റെ നേതൃത്വത്തില് വിവിധ വകുപ്പുകളെ ഏകോപിപ്പിച്ച് സംരംഭകര്ക്കായി അനുകൂല സാഹചര്യങ്ങള് ഒരുക്കിവരികയാണന്ന് അദ്ദേഹം പറഞ്ഞു. വ്യവസായികളെ പ്രോത്സാഹിപ്പിക്കുന്നതില് മാതൃക പരമായ പ്രവര്ത്തനമാണ് ജില്ലാ വ്യവസായ കേന്ദ്രം കാഴ്ചവച്ചുകൊണ്ടിരിക്കുന്നതെന്നും കൂട്ടിച്ചേര്ത്തു.
20 ലക്ഷത്തിനു മുകളില് നിക്ഷേപമുള്ള 85 സംരംഭകര് പങ്കെടുത്തു. 85 കോടി രൂപയുടെ നിക്ഷേപം സാധ്യമാക്കി. 850 തൊഴില് അവസരങ്ങള് സൃഷ്ടിക്കാനുമാകും. ജില്ല വ്യവസായ കേന്ദ്രം ജനറല് മാനേജര് ബിജു കുര്യന് അധ്യക്ഷനായി. കെ എസ് എസ് ഐ എ സംസ്ഥാന പ്രസിഡന്റ് എ നിസാറുദ്ദീന്, ജില്ലാ വ്യവസായ കേന്ദ്രം മാനേജര് എസ് കിരണ്, കെ എസ് എസ് ഐ എ ജില്ലാ പ്രസിഡന്റ് കെ ജി ലിജിന്, ജില്ലാ വ്യവസായ കേന്ദ്രം മാനേജര് തോമസ് ജോണ് തുടങ്ങിയവര് പങ്കെടുത്തു.
- Log in to post comments