യുവജന കമ്മീഷൻ യൂത്ത് ഐക്കൺ പുരസ്കാര വിതരണം
കേരള സംസ്ഥാന യുവജന കമ്മീഷൻ 2023-24 വർഷത്തെ യൂത്ത് ഐക്കൺ അവാർഡ് വിതരണം വ്യാഴാഴ്ച(മാർച്ച് 14) ഉച്ചക്ക് 2 മുതൽ എറണാകുളം മഹാരാജാസ് കോളേജിൽ സംഘടിപ്പിക്കുന്നു. വ്യവസായ, വകുപ്പ് മന്ത്രി പി രാജീവ് ഉദ്ഘാടനം നിർവ്വഹിക്കും.
വിവിധ സാമൂഹിക മേഖലകളിൽ വ്യക്തിമുദ്ര പതിപ്പിച്ച യുവജനങ്ങൾക്കാണ് കമ്മീഷൻ അവാർഡ് നൽകുന്നത്. കല/സാംസ്കാരികം, കായികം, സാഹിത്യം, കാർഷികം, വ്യവസായ സംരംഭകത്വം, സാമൂഹിക സേവനം തുടങ്ങിയ മേഖലകളിൽ നിറസാന്നിദ്ധ്യമാവുകയും വ്യത്യസ്തവും മാതൃകാപരവുമായ ഇടപെടലുകളാൽ സമൂഹത്തിനാകെ പുതുവെളിച്ചമുണ്ടാക്കുകയും ചെയ്ത യുവജനങ്ങളെയാണ് കമ്മീഷൻ നിയോഗിച്ച പ്രത്യേക ജൂറി അവാർഡിനായി തിരഞ്ഞെടുത്തത്.
പുരസ്കാര ജേതാക്കൾ: ബേസിൽ ജോസഫ് (കല/ സാംസ്കാരികം),ആൻസി സോജൻ (കായികം), കെ. അഖിൽ (സാഹിത്യം),അശ്വിൻ പരവൂർ (കൃഷി), സജീഷ് കെ.വി. (വ്യവസായം), ശ്രീനാഥ് ഗോപിനാഥൻ (സാമൂഹിക സേവനം)
യുവജനങ്ങളുടെ മാനസികാരോഗ്യവും ശാരീരിക ക്ഷമതയും വളർത്തുന്നത് ലക്ഷ്യമിട്ടുകൊണ്ട് യുവജന കമ്മീഷൻ സംഘടിപ്പിച്ച ഷോർട്ട്ഫിലിം മത്സര വിജയികൾക്കുള്ള സമ്മാനദാനവും ചടങ്ങിൽ നടക്കും.
- Log in to post comments