നവകേരളം സിറ്റിസണ് റെസ്പോണ്സ് പ്രോഗ്രാം: കര്മ്മ സേനാംഗങ്ങള്ക്ക് പരിശീലനം നല്കി
നവകേരളം സിറ്റിസണ് റെസ്പോണ്സ് പ്രോഗ്രാം വികസന ക്ഷേമ പഠന പരിപാടിയുടെ ഭാഗമായി മണ്ണാര്ക്കാട് മണ്ഡലത്തിലെ കര്മ്മ സേനാംഗങ്ങള്ക്കുള്ള ദ്വിദിന പരിശീലന പരിപാടി സംഘടിപ്പിച്ചു. അലനല്ലൂര്, കോട്ടോപ്പാടം, കുമരംപുത്തൂര് ഗ്രാമപഞ്ചായത്തുകളില് നിന്നുള്ള കര്മ്മ സേനാംഗങ്ങള്ക്കാണ് പരിശീലനം നല്കിയത്. 28 പേര് പരിപാടിയുടെ ഭാഗമായി.
ജനങ്ങളില് നിന്ന് വികസന നിര്ദ്ദേശങ്ങളും, ക്ഷേമ പദ്ധതികള് സംബന്ധിച്ച അഭിപ്രായങ്ങളും ആശയങ്ങളും ലഭ്യമാക്കുന്നതിനും, പ്രാദേശികമായി വികസന ആവശ്യങ്ങള് മനസ്സിലാക്കി ആസൂത്രണം നടത്തുന്നതിനുമായി അഭിപ്രായങ്ങള് സമാഹരിക്കുകയാണ് പരിപാടിയുടെ ലക്ഷ്യം. ഇതിന്റെ തുടര്ച്ചയായി ജനുവരി 31 വരെ ഗൃഹ സന്ദര്ശനം നടക്കും. മണ്ണാര്ക്കാട് ബ്ലോക്ക് പഞ്ചായത്ത് ഹാളില് നടന്ന പരിപാടിയില് മണ്ഡലതല ചാര്ജ്ജ് ഓഫീസര് ആര് ശ്രീതാര, റിസോഴ്സ് പേഴ്സണ്മാരായ ഹസ്സന് മുഹമ്മദ്, കെ വിജയന് ശ്രീനിവാസന്, തീമാറ്റിക് എക്സ്പേര്ട്ട് ബിബിത, നിയോജകമണ്ഡലതല സമിതി അംഗങ്ങളായ ബഷീര്, സദാനന്ദന്, കര്മ്മ സേനാംഗങ്ങള് തുടങ്ങിയവര് പങ്കെടുത്തു.
- Log in to post comments