സൗജന്യ കമ്പ്യൂട്ടര്‍ പരിശീലനം

കുഴല്‍മന്ദം ഗവ. പ്രീ-എക്‌സാമിനേഷന്‍ ട്രെയിനിംഗ് സെന്ററില്‍ ജൂണ്‍ 17-ന് ആരംഭിക്കുന്ന സൗജന്യ കമ്പ്യൂട്ടര്‍ പരിശീലന കോഴ്‌സിലേക്ക് അപേക്ഷ ക്ഷണിച്ചു. പ്ലസ് ടു/ തത്തുല്യ യോഗ്യതയുള്ള പട്ടികജാതി/പട്ടികവര്‍ഗ വിഭാഗക്കാര്‍ക്കാണ് അവസരം. പി.എസ്.സി അംഗീകാരമുള്ള ഡാറ്റാ എന്‍ട്രി ആന്‍ഡ് ഓഫീസ് ഓട്ടോമേഷന്‍, ഡി.ടി.പി എന്നീ മൂന്ന് മാസത്തെ കോഴ്‌സുകളാണ് ഉള്ളത്. തിരഞ്ഞെടുക്കപ്പെടുന്ന വിദ്യാര്‍ഥികള്‍ക്ക് സ്‌റ്റൈപ്പന്‍ഡും ലഭിക്കും.
ജാതി, വിദ്യാഭ്യാസ യോഗ്യത, ജനനത്തീയതി തെളിയിക്കുന്ന സ്വയം സാക്ഷ്യപ്പെടുത്തിയ സര്‍ട്ടിഫിക്കറ്റുകളുടെ പകര്‍പ്പുകളും ഒരു പാസ്‌പോര്‍ട്ട് സൈസ് ഫോട്ടോയും സഹിതം ജൂണ്‍ 16 വൈകിട്ട് അഞ്ചിനകം അപേക്ഷ സമര്‍പ്പിക്കണം. നിശ്ചിത മാതൃക ട്രെയിനിംഗ് സെന്ററിലും ജില്ലാ പട്ടികജാതി വികസന ഓഫീസിലും ബ്ലോക്ക്/മുനിസിപ്പാലിറ്റി/പട്ടികജാതി വികസന ഓഫീസുകളിലും ലഭ്യമാണ്. ഫോണ്‍: 04922-273777, 8606081516.