വിദേശത്ത് തൊഴില്: ബോധവത്ക്കരണ പരിപാടി സംഘടിപ്പിച്ചു.
വിദേശത്ത് തൊഴില് അന്വേഷിക്കുന്നവര്ക്കും പുതുതായി കുടിയേറ്റത്തിന് തയ്യാറെടുക്കുന്നവര്ക്കുമായി മൂന്നാറില് നോര്ക്ക റൂട്ട്സിന്റെ ആഭിമുഖ്യത്തില് ബോധവത്ക്കരണ പരിപാടി സംഘടിപ്പിച്ചു.
മൂന്നാര്‍ പഞ്ചായത്ത് ഹാളില്‍ നടന്ന പരിപാടിയില്‍ നോര്‍ക്കയുടെ പ്രതിനിധികളായ മുഹമ്മദ് കക്കാട് ,മോഹനന്‍ എന്നിവര്‍ ക്ലാസുകള്‍ നയിച്ചു.വനിതകള്‍ക്ക് ഗാര്‍ഹി മേഖലയില്‍ സുരക്ഷിതവും നിയമപരവും സുതാര്യമായ തൊഴില് അവസരങ്ങള്‍ കണ്ടെത്താന്‍ എങ്ങനെ സാധിക്കുമെന്ന് ക്ലാസില്‍ വിവരിച്ചു.കുവൈറ്റിലെ അര്‍ദ്ധ സര്‍ക്കാര്‍ റിക്രൂട്ട്‌മെന്റ് കമ്പനിയായ അല്‍ദുര ഫോര്‍മാന്‍ പവര്‍ മുഖേനയാണ് നിലവില്‍ തൊഴില് അവസരങ്ങള്‍ കണ്ടെത്താന്‍ അവസരം .നോര്‍ക്കയുടെ നേതൃത്വത്തില്‍ ഒരുമാസത്തിനുള്ളില്‍ നടത്തുന്ന രണ്ടാം ഘട്ട ബോധവത്ക്കരണ പരിപാടിയില്‍ താല്‍പര്യമുള്ളവര്‍ക്ക് അപേക്ഷ സമര്‍പ്പിക്കാന്‍ അവസരമുണ്ടാകും. വിസ, വിമാന ടിക്കറ്റ്, താമസം, ഭക്ഷണം എന്നിവ ഉള്‍പ്പെടെ നോര്‍ക്കയുടെ റിക്രൂട്ട്‌മെന്റില്‍ തികച്ചും സൗജന്യമാണ്.25,000 രൂപ മിനിമം വേതനത്തിലാക്കും നിയമനം.
- Log in to post comments