Post Category
ലൈബ്രറി കൗണ്‍സില്‍ ഒരു ലക്ഷം ഫലവൃക്ഷ വിത്തുകള്‍ ശേഖരിച്ചുനല്‍കും
സുഭിക്ഷ കേരളം പദ്ധതിയുടെ ഭാഗമായി പാലക്കാട് ജില്ലാ പഞ്ചായത്ത് 10 ലക്ഷം തൈകള്‍ ഉല്പാദിപ്പിച്ച് നട്ടുവളര്‍ത്തുന്നതിന്റെ ഭാഗമായി ജില്ലയിലെ ഗ്രന്ഥശാലകള്‍ മുഖേന ഒരു ലക്ഷം ഫലവൃക്ഷ വിത്തുകള്‍ ശേഖരിച്ച് നല്‍കും. ഓരോ വായനശാലയില്‍ നിന്നും 500-ല്‍ കുറയാത്ത വിത്തുകള്‍ ശേഖരിച്ച് ഒരു ലക്ഷം വിത്തുകള്‍ ജില്ലാ പഞ്ചായത്തിന് നല്‍കും. ജില്ലയിലെ ആറ് താലൂക്കുകളിലേയും ഗ്രന്ഥശാലകള്‍ മെയ് 25 ന് മുമ്പായി വിത്തുകള്‍ ശേഖരിച്ച് താലൂക്ക് കേന്ദ്രങ്ങളില്‍ ഏല്പിക്കണം. താലൂക്കുകളില്‍ നിന്ന് ശേഖരിച്ച് ജില്ലാ കൗണ്‍സില്‍ ജില്ലാ പഞ്ചായത്തിനെ ഏല്പിക്കുമെന്ന് െൈലബ്രറി കൗണ്‍സില്‍ പ്രസിഡന്റ് ടി.കെ. നാരായണദാസ്, ജില്ലാ സെക്രട്ടറി എം.കാസിം, സംസ്ഥാന എക്സി. അംഗം പി.കെ. സുധാകരന്‍ എന്നിവര്‍ അറിയിച്ചു.
date
- Log in to post comments