ശാസ്ത്ര പഠനയാത്ര വിദ്യാഭ്യാസ മന്ത്രി ഉദ്ഘാടനം ചെയ്തു
രാഷ്ട്രീയ മാധ്യമിക് ശിക്ഷ അഭിയാന്‍ കേരള സ്റ്റേറ്റ് ഇന്‍സ്റ്റിറ്റ്യൂട്ട് ഓഫ് എഡ്യൂക്കേഷണല്‍ ടെക്നോളജിയുമായി ചേര്‍ന്ന് പൊതു വിദ്യാഭ്യാസ വകുപ്പ് ഏകദിന ശാസ്ത്ര പഠന യാത്ര സംഘടിപ്പിച്ചു. പഠനയാത്രയുടെ ഉദ്ഘാടനം വിദ്യാഭ്യാസ വകുപ്പു മന്ത്രി പ്രൊഫ. സി രവിന്ദ്രനാഥ് നിര്‍വ്വഹിച്ചു. ജില്ലയിലെ 3 വിദ്യാഭ്യാസ ജില്ലകളിലായി നടത്തിയ ത്രിദിന ശാസ്ത്ര ശില്പശാലയില്‍ പങ്കെടുത്ത 40 വിദ്യാര്‍ത്ഥികള്‍ക്കായി ഇന്റര്‍ഗ്രേറ്റഡ് റൂറല്‍ ടെക്നോളജി സെന്റര്‍ മുണ്ടൂര്‍, പാലക്കാട് എന്നിവിടങ്ങളിലേക്കാണ് ശാസ്ത്ര പഠന യാത്ര സംഘടിപ്പിച്ചത്. ശാസ്ത്ര ജാലകം പദ്ധതി പ്രോഗ്രാം കോ ഓര്‍ഡിനേറ്റര്‍ ഡോ. ടി വി. വിമല്‍കുമാര്‍ അദ്ധ്യക്ഷത വഹിച്ചു. ആര്‍. എം . എസ് .എ അസിസ്റ്റന്റ് പ്രോജക്ട് ഓഫീസര്‍ കമലാദേവി സി, തൃശൂര്‍ എനെര്‍ജി മാനേജ്മന്റ് സെന്ററിലെ കെ ജി ജയരാജന്‍, കൊടുങ്ങല്ലൂര്‍ സയന്‍സ് സെന്ററിലെ ശ്രീജിത്ത് എന്നിവര്‍ സംസാരിച്ചു.
- Log in to post comments