കോവിഡ് സ്‌ക്വാഡ് പരിശോധന : 30 സ്ഥാപനങ്ങള്‍ക്ക് പിഴയിട്ടു
കോവിഡ് മാനദണ്ഡ ലംഘനങ്ങള്‍ കണ്ടെത്തുന്നതിനായി നടത്തുന്ന താലൂക്കുതല സ്‌ക്വാഡ് പരിശോധനയില്‍ 30 സ്ഥാപനങ്ങള്‍ക്ക് പിഴ ചുമത്തി.
കൊട്ടാരക്കര, ചടയമംഗലം, ചിതറ, വെട്ടിക്കവല, കരീപ്ര, എഴുകോണ്‍, കുമ്മിള്‍, മേലില, നെടുവത്തൂര്‍, പൂയപ്പള്ളി, ഉമ്മന്നൂര്‍, വെളിയം, വെളിനല്ലൂര്‍ പ്രദേശങ്ങളില്‍ 11 കേസുകളില്‍ പിഴയീടാക്കുകയും 270 എണ്ണത്തിന് താക്കീത് നല്‍കുകയും ചെയ്തു.
കരുനാഗപ്പള്ളി, ആലപ്പാട്, ചവറ, കെ. എസ് പുരം, ഓച്ചിറ, പ•ന , തഴവ, തെക്കുംഭാഗം, തേവലക്കര ഭാഗങ്ങളില്‍ 11 കേസുകളില്‍ പിഴയീടാക്കി. 210 സ്ഥാപനങ്ങള്‍ക്ക് താക്കീത് നല്‍കി.
കുന്നത്തൂരിലെ പോരുവഴി, ശാസ്താംകോട്ട, കിഴക്കേ കല്ലട, ശൂരനാട് സൗത്ത്, പടിഞ്ഞാറേകല്ലട, ശൂരനാട് നോര്‍ത്ത് എന്നിവിടങ്ങളിലെ പരിശോധനയില്‍ 125 കേസുകള്‍ക്ക് താക്കീത് നല്‍കി.
കൊല്ലം കോര്‍പറേഷന്‍, ചാത്തന്നൂര്‍, പൂതക്കുളം, പെരിനാട്, ഇളമ്പള്ളൂര്‍, പനയം, നെടുമ്പന, പരവൂര്‍ മുനിസിപ്പാലിറ്റി എന്നിവിടങ്ങളില്‍ എട്ട് കേസുകള്‍ക്ക് പിഴ ചുമത്തി 327 സ്ഥാപനങ്ങള്‍ക്ക് താക്കീത് നല്‍കി.
പുനലൂര്‍ താലൂക്കിലെ ഏരൂരില്‍ നടത്തിയ പരിശോധനയില്‍ എട്ട് കേസുകളില്‍ താക്കീത് നല്‍കി.
പത്തനാപുരത്ത് പുന്നല, പിറവന്തൂര്‍ എന്നിവിടങ്ങളില്‍ നടത്തിയ പരിശോധനയില്‍ ഒന്‍പത് സ്ഥാപനങ്ങള്‍ക്ക് താക്കീത് നല്‍കി.
(പി.ആര്‍.കെ നമ്പര്‍.2128/2021)
- Log in to post comments