വിമുക്ത ഭടന്മാരുടെ മക്കൾക്ക് വിദ്യാഭ്യാസ ഗ്രാന്റ്

ആലപ്പുഴ: വിമുക്ത ഭടന്മാരുടെ മക്കൾക്ക് കേന്ദ്രീയ സൈനിക ബോർഡിൽ നിന്നുള്ള വിദ്യാഭ്യാസ ഗ്രാന്റിന് അപേക്ഷിക്കാം. കഴിഞ്ഞ അധ്യയന വർഷം ഒന്നാം ക്ലാസ് മുതൽ ബിരുദം, എം.എ, എം.കോം, എം.എസ.്‌സി ഇൻഡിഗ്രേറ്റഡ് വിജയിച്ചവർക്ക് കേന്ദ്രീയ സൈനിക ബോർഡ് വെബ്‌സൈറ്റ് (ksb.gov.in)  വെബ്‌സൈറ്റിലൂടെ അപേക്ഷിക്കാം. ഒന്നു മുതൽ ഒമ്പതു വരെയുള്ളവരും 11-ാം ക്ലാസുകാർക്കും സെപ്റ്റംബർ 30 വരെയും 10,12 ക്ലാസുകളിലുള്ളവർക്ക് ഒക്‌ടോബർ 30 വരെയും അണ്ടർ ഗ്രാജുവേഷൻ വിദ്യാർഥികൾക്ക്  നവംബർ 30 വരെയും അപേക്ഷിക്കാം. ഓൺലൈൻ അപേക്ഷയുടെ പ്രിന്റ്ഔട്ടും അപ്ലോഡ് ചെയ്ത രേഖകളുടെ അസലും ജില്ല സൈനികക്ഷേമ ഓഫീസിൽ പരിശോധനയ്ക്കു സമർപ്പിക്കണം. വിശദവിവരങ്ങൾക്ക് ഫോൺ: 0477-2245673.

(പി.എൻ.എ. 1330/2018)