കുടുംബശ്രീയുടെ കലാജാഥ മെയ് 13 മുതല്
സംസ്ഥാന സര്ക്കാരിന്റെ ഒന്നാം വാര്ഷികാഘോഷത്തിന്റെ ഭാഗമായി ഇന്ഫര്മേഷന് ആന്റ് പബ്ലിക്ക് റിലേഷന് ഡിപ്പാര്ട്ട്മെന്റ് ജില്ലയില് 20 സ്ഥലങ്ങളിലായി കലാജാഥ സംഘടിപ്പിക്കുന്നു. കുടുംബശ്രീയുടെ തിയറ്റര് ഗ്രൂപ്പായ നവധ്വനി രംഗശ്രീ ടീമിന്റെ നേതൃത്വത്തിലാണ് ഒരു ദിവസം 5 സ്ഥലങ്ങളിലായി കലാജാഥ നടത്തുന്നത്. ഇന്ന് (മെയ് 13) മുതല് 16 വരെ 4 ദിവസങ്ങളിലായാണ് കലാജാഥ.
ഇന്ന് രാവിലെ 9 മണിക്ക് ചാലക്കുടി മുനിസിപ്പാലിറ്റിയില് നിന്ന് ആരംഭിക്കുന്ന കലാജാഥ 11 മണിക്ക് ഇരിങ്ങാലക്കുട, ഒരു മണിക്ക് കൊടുങ്ങല്ലൂര്, 3 മണിക്ക് കൈപ്പമംഗലം, 5 മണിക്ക് വലപ്പാട് എന്നിവിടങ്ങളില് പര്യടനം നടത്തും. രണ്ടാം ദിവസമായ 14ന് വാടാനപ്പള്ളിയില് നിന്ന് 9 മണിക്ക് ജാഥ ആരംഭിക്കും. തുടര്ന്ന് 11ന് ചാവക്കാട്, ഒരു മണിക്ക് ഗുരുവായൂര്, 3 മണിക്ക് കുന്നംകുളം, 5 മണിക്ക് കൈപ്പറമ്പ് എന്നിവിടങ്ങളിലെത്തും. 15ന് രാവിലെ 9 മണിക്ക് മുല്ലശ്ശേരി, 11 മണിക്ക് അരിമ്പൂര്, ഒരു മണിക്ക് തൃശൂര്, 3 മണിക്ക് നടത്തറ, 5 മണിക്ക് ഒല്ലൂര് എന്നിവിടങ്ങളിലെത്തും. കലാജാഥയുടെ അവസാന ദിവസമായ 16ന് രാവിലെ 9 മണിക്ക് കൊടകര, 11 മണിക്ക് പുതുക്കാട്, ഒരു മണിക്ക് ആമ്പല്ലൂര്, 3 മണിക്ക് വടക്കാഞ്ചേരി, 5 മണിക്ക് ചേലക്കര എന്നിവിടങ്ങളിലെത്തും.
- Log in to post comments