16.65 ലക്ഷം രൂപയുടെ വായ്പാ ഇളവ് നൽകി

പട്ടികജാതി, പട്ടികവർഗ, പിന്നാക്കക്ഷേമ വകുപ്പ് മന്ത്രി ഒ.ആർ. കേളുവിന്റെ സാന്നിധ്യത്തിൽ നടന്ന എൽ.ഡി.ആർ.എഫ് അദാലത്തിൽ 13 വായ്പകളിലായി 16.65 ലക്ഷം രൂപയുടെ ഇളവ് നൽകി വായ്പകൾ തീർപ്പാക്കി. സംസ്ഥാന പിന്നാക്ക വിഭാഗ വികസന കോർപ്പറേഷൻ തിരുവനന്തപുരം ജില്ലാ ഓഫീസിന്റെ ആഭിമുഖ്യത്തിൽ തിരുവനന്തപുരം, വർക്കല, നെയ്യാറ്റിൻകര എന്നീ ഓഫീസുകളിൽനിന്നും വായ്പ എടുത്തശേഷം മരണപ്പെട്ടവരുടെ ആശ്രിതർക്കും ഗുരുതരരോഗം ബാധിച്ചവർക്കും ഉൾപ്പെടെ വായ്പാതിരിച്ചടവിൽ ഇളവ് നൽകുന്നതിനായാണ് എൽ.ഡി.ആർ.എഫ് അദാലത്ത്.

പി.എൻ.എക്‌സ്. 4864/2024