Post Category
റേഷന്‍ കാര്‍ഡ്: അമ്പലപ്പുഴ താലൂക്കില്‍ ഐറിസ് സ്‌കാനര്‍ മസ്റ്ററിങ്
അമ്പലപ്പുഴ താലൂക്കില്‍ മുന്‍ഗണനാ റേഷന്‍ കാര്‍ഡുകളുടെ മസ്റ്ററിംഗുമായി ബന്ധപ്പെട്ട് വിരലടയാളം പതിയാത്ത കാര്‍ഡ് അംഗങ്ങള്‍ക്കായി (
അഞ്ചു വയസ്സില്‍ താഴെയുളള കുട്ടികളും കിടപ്പുരോഗികളും ഒഴികെ) ഐറിസ് സ്‌കാനര്‍ ഉപയോഗിച്ച് മസ്റ്ററിങ് സൗകര്യം ഒരുക്കുന്നു.
നവംബര്‍ നാലിനും അഞ്ചിനും ഉച്ചക്ക് 12 മണി മുതല്‍ വൈകിട്ട് നാല് മണിവരെ ആലപ്പുഴ മിനി സിവില്‍ സ്റ്റേഷനില്‍ പ്രവര്‍ത്തിക്കുന്ന അമ്പലപ്പുഴ താലൂക്ക് സപ്ലൈ ആഫീസിലാണ് ക്യാമ്പ്. മസ്റ്ററിങ് ചെയ്യുന്നതിനുളള കാലാവധി അഞ്ചിന് അവസാനിക്കുന്ന സാഹചര്യത്തില്‍ ഇനിയും മസ്റ്ററിംഗ് ചെയ്യാന്‍ സാധിക്കാത്തവര്‍ ആധാര്‍കാര്‍ഡ്, റേഷന്‍ കാര്‍ഡ് എന്നിവയുമായി ക്യാമ്പില്‍ എത്തിച്ചേരണമെന്ന് അമ്പലപ്പുഴ താലൂക്ക് സപ്ലൈ ഓഫീസര്‍ അറിയിച്ചു.
date
- Log in to post comments