സുനാമി പ്രതിരോധ തയ്യാറെടുപ്പ്  മോക് ഡ്രിൽ അഞ്ചിന്

സുനാമി റെഡി പദ്ധതിയുടെ ഭാഗമായി ദുരന്തനിവാരണ പ്രവർത്തനങ്ങളിൽ തദ്ദേശ സ്വയംഭരണ സ്ഥാപനങ്ങളുടെ കൈകാര്യശേഷി വർധിപ്പിക്കുക, സമൂഹാധിഷ്ഠിത ദുരന്തനിവാരണം സാധ്യമാക്കുക എന്നീ ലക്ഷ്യങ്ങളോടെ ജില്ലാ ദുരന്തനിവാരണ അതോറിറ്റി, കില എന്നിവ വിവിധ വകുപ്പുകളുടെ ഏകോപനത്തോടെ നവംബർ അഞ്ചിന് തദ്ദേശസ്വയംഭരണ സ്ഥാപനതല സുനാമി പ്രതിരോധ മോക്ഡ്രിൽ നടത്തുന്നു. കണ്ണൂർ താലൂക്കിലെ അഴീക്കോട് ഗ്രാമപഞ്ചായത്ത് ഒന്നാം വാർഡിലെ അഴീക്കൽ ലൈറ്റ് ഹൗസ് ഗ്രൗണ്ടിൽ അഞ്ചിന് രാവിലെ 9.30നാണ് മോക് ഡ്രിൽ. യുനസ്‌കോ, കേരള സംസ്ഥാന ദുരന്ത നിവാരണ അതോറിറ്റി എന്നിവയുടെ നിർദേശങ്ങളും മാനദണ്ഡങ്ങളും പാലിച്ചാണ് മോക് ഡ്രിൽ നടത്തുക.