നഗരസൗന്ദര്യം ആസ്വദിച്ച് കായികതാരങ്ങള്‍
സംസ്ഥാനത്തിന്റെ വിവിധ ഭാഗങ്ങളില്‍ നിന്നെത്തിയ സവിശേഷ പരിഗണന അര്‍ഹിക്കുന്ന കുട്ടികള്‍ക്ക് കൊച്ചിയുടെ നഗരസൗന്ദര്യം ആസ്വദിക്കാന്‍ അവസരം ഒരുക്കി സംസ്ഥാന സ്‌കൂള്‍ കായികമേള ഗതാഗത കമ്മറ്റി. കെഎസ്ആര്‍ടിസിയുടെ എ.സി. ലോ ഫ്‌ളോര്‍ ബസില്‍ മറൈന്‍ഡ്രൈവ്, ഗോശ്രീപാലം, ഫോര്‍ട്ടുകൊച്ചി തുടങ്ങിയ പ്രദേശങ്ങളിലൂടെ നഗരസൗന്ദര്യവും കായല്‍ കാഴ്ചകളും ആസ്വദിച്ചുള്ള യാത്ര കുട്ടികള്‍ക്ക് മറക്കാനാവാത്ത അനുഭവമായി.
ഗതാഗത കമ്മറ്റി ചെയര്‍മാന്‍ അഡ്വ. അനൂപ് ജേക്കബ് എം.എല്‍.എ യുടെ സാന്നിധ്യത്തില്‍ പൊതുവിദ്യാഭ്യാസ മന്ത്രി വി. ശിവന്‍കുട്ടി യാത്ര ഫ്‌ളാഗ് ഓഫ് ചെയ്തു.
ഗതാഗത കമ്മിറ്റി കണ്‍വീനര്‍ സിനോജ് ജോര്‍ജ്, ജോയിന്റ് കണ്‍വീനര്‍ ഡോ. ബിനോയ് സ്‌കറിയ, എച്ച്.എസ്.എസ്.ടി.എ. സംസ്ഥാന ജനറല്‍ സെക്രട്ടറി അനില്‍ എം. ജോര്‍ജ്, കെ. വെങ്കിടാമൂര്‍ത്തി, എം. റിയാസ്, എം വി. അഭിലാഷ് , ടി.എല്‍. രശ്മി, വിമല്‍ ജോസഫ്, കെ. രാജരാജന്‍, കെ. യു.നിഷ, നയന ദാസ്, ലിജിന ജേക്കബ്, കെ. ശ്രീദേവി തുടങ്ങിയവര്‍ നേതൃത്വം നല്‍കി.
- Log in to post comments