മലയാളദിനാഘോഷം സമാപിച്ചു

പാലക്കാട് ഇ.എസ്.ഐ ആശുപത്രിയില്‍ മലയാളദിനാഘോഷ- ഭരണഭാഷാവാരാഘോഷ പരിപാടികള്‍ സമാപിച്ചു. നവംബര്‍ ഒന്നു മുതല്‍ ഏഴു വരെ നടത്തിയ പരിപാടികളുടെ സമാപന ചടങ്ങില്‍ പാലക്കാട് ഗവ. വിക്ടോറിയ കോളേജ് മലയാള വിഭാഗം മേധാവി എ.പി ശ്രീകല മുഖ്യപ്രഭാഷണം നടത്തി. ചടങ്ങില്‍ ഡോ. എസ്.എം ദിലീപ് അധ്യക്ഷത വഹിച്ചു.   കെ. പ്രശാന്ത് സ്വാഗതവും ബിജിമോള്‍ സ്‌കറിയ നന്ദിയും പറഞ്ഞു. ജീവനക്കാരുടെ കവിതാപാരായണം , മലയാളഭാഷാ പ്രശ്‌നോത്തരി മത്സരങ്ങള്‍ എന്നിവയും നടന്നു.