മീഡിയ അക്കാദമി ഓഡിയോ പ്രൊഡക്ഷൻ ഡിപ്ലോമ

കേരള മീഡിയ അക്കാദമി കൊച്ചി, തിരുവനന്തപുരം സെന്ററുകളിൽ നടത്തുന്ന ഓഡിയോ പ്രൊഡക്ഷൻ ഡിപ്ലോമ  കോഴ്‌സിലേക്ക് ജനുവരി 4 വരെ അപേക്ഷിക്കാം. റേഡിയോ അവതരണം, പോഡ്കാസ്റ്റിംഗ്, ഡബ്ബിംഗ്, ഓഡിയോ എഡിറ്റിംഗ്, മിക്‌സിംഗ് ആൻഡ് മാസ്റ്ററിംഗ്  തുടങ്ങിയ മേഖലകളിൽ വിദഗ്ധ പരിശീലനം നൽകുന്ന സർക്കാർ അംഗീകൃത കോഴ്‌സിന്റെ കാലാവധി രണ്ടര മാസമാണ്. പ്രായപരിധിയില്ല. ഓരോ സെന്ററിലും 10 സീറ്റുകളുണ്ട്. 15,000 രൂപയാണ് കോഴ്സ് ഫീസ്. പ്ലസ് ടു വിദ്യാഭ്യാസ യോഗ്യതയുള്ളവർക്ക് www.keralamediaacademy.org  വെബ്സൈറ്റിലൂടെ ഓൺലൈനായി അപേക്ഷിക്കാം. കൊച്ചി, തിരുവനന്തപുരം സെന്ററുകളിൽ സുസജ്ജമായ ഓഡിയോ സ്റ്റുഡിയോകളിലാണ് പരിശീലനം. കൂടുതൽ വിവരങ്ങൾക്ക് ഫോൺ: 0484-2422275, 0471-2726275, 9744844522, 7907703499.

പി.എൻ.എക്സ്. 5843/2024